Monday, September 20, 2021  | 12 Safar, 1443

خیبر پختونخوا:سیاسی رہنماؤں،اہم شخصیات سےسیکیورٹی واپس لےلی گئی

SAMAA | - Posted: Jul 10, 2021 | Last Updated: 2 months ago
SAMAA |
Posted: Jul 10, 2021 | Last Updated: 2 months ago

فائل فوٹو

خیبرپختونخوا حکومت نے سیاسی رہنماؤں اور اہم شخصیات سے سیکورٹی واپس لے لی ہے۔ جاری اعلامیہ میں سیکیورٹی واپس لینے کی وجہ نہیں بتائی گئی ہے۔

آفس آف سپریٹنڈنٹ آف پولیس ایلیٹ فورس پشاور کی جانب سے جاری اعلامیہ کے مطابق اے این پی رہنما میاں افتخار حسین، امیر حیدر ہوتی، ایمل ولی خان سے مجموعی طور 12 سیکیورٹی اہلکار واپس لے لیے گئے ہیں۔

آفتاب شیرپاؤ سے ایک، ن لیگ کے صوبائی صدر امیر مقام سے بھی 3 سیکیورٹی اہلکار واپس لے لیے گئے۔ نوابزادہ امیر خان، ڈاکٹر نعیم اور ڈاکٹر افتخار کی سیکیورٹی پر مامور پولیس اہلکار بھی واپس لے لیے گئے۔ پی ٹی آئی کے ایم این اے انور تاج اور سینیٹر ایوب آفریدی سے مجموعی طور 4 سیکیورٹی اہلکار واپس لیے گئے۔

پی ٹی آئی کے ایم پی اے صومی فلک ناز سے ایک، اے این پی کے صلاالدین سے بھی ایک سیکیورٹی اہلکار، جب کہ ڈی جی نیب خیبرپختونخوا ناصر فاروق اعوان سے 7 اہلکار واپس لے لیے گئے۔

تمام سیکیورٹی اہل کاروں کو واپس ایلیٹ فورس ہیڈکواٹرز رپورٹ کرنے کی ہدایت کی گئی ہے۔ جاری اعلامیہ کے مطابق مجموعی طور پر 29 شخصیات سے سیکیورٹی واپس لی گئی ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube