Tuesday, September 28, 2021  | 20 Safar, 1443

کشمیر کو نوازشریف کی قیادت میں آزاد کروائیں گے،مریم نواز

SAMAA | - Posted: Jul 10, 2021 | Last Updated: 3 months ago
SAMAA |
Posted: Jul 10, 2021 | Last Updated: 3 months ago

فائل فوٹو

مریم نواز نے کہا ہے کہ کشمیر کو نوازشریف کی قیادت میں آزاد کروائیں گے۔

ہفتے کو آزاد کشمیر میں انتخابی مہم کے سلسلے میں موجود پاکستان مسلم لیگ نون کی رہنما مریم نواز نے شاردا میں جلسے سے خطاب کرتےہوئے کہا کہ کشمیرکا خطہ نوازشریف کی قیادت میں آزاد ہوگا اوربچہ بچہ کٹ مرے گا لیکن کشمیر صوبہ نہیں بنے گا۔

مریم نواز نے کہا کہ عمران خان نے عوام سے کہاکہ 2منٹ کی خاموشی اختیارکرو۔ عمران خان کشمیر کا مقدمہ ہار کر آیا اورعمران خان کی نہ گھر میں عزت ہے اور نہ گھر کے باہر عزت ہے۔

مریم نواز نےدعویٰ کیا کہ کشمیر کا مسئلہ نواز شریف کی قیادت میں حل ہوسکتا ہے اورکشمیریوں کا لیڈر نواز شریف ہوسکتا ہے کیوں کہ کشمیریوں کا لیڈرعمران خان جیسا بزدل نہیں ہوسکتا۔

اپنے خطاب میں مریم نواز نے کشمیر کے لوگوں کو بہت بہادر قرار دیا اور کہا کہ صرف شیر کو ووٹ نہیں دینا اوراپنے ووٹ کی حفاظت بھی کرنی ہے۔ جب تک انتخابی نتائج نہ مل جائیں واپس نہیں آنا ہے۔

جمعہ کو پٹیکا میں پاکستان مسلم لیگ نون کی رہنما مریم نواز نے جلسے سے خطاب کرتے ہوئے کہا تھا کہ عمران خان کو کشميريوں کا خون فروخت کرنے کا حق کس نے ديا ہے۔ عمران خان کا وائرس کرونا سے زيادہ خطرناک ہے اور یہ مقبوضہ کشمير کو نگل گيا ہے۔

مريم نواز نے کہا تھا کہ کچھ لوگ آزاد کشمیر لالچ دے کر ووٹ مانگنے آتے ہيں تاہم میں باہر سے نہیں آئی کیوں کہ کشمیر میرا گھر ہے اور میرے باپ دادا کشمیری ہیں۔

خارجہ پالیسی پر تنقید کرتے ہوئے مریم نوازنے کہا تھا کہ ایک سڑک کا نام  تبدیل کرنا خارجہ پالیسی نہیں ہوتی۔ کشمیر کے سودے کے بعدعوام سے کہا گیا کہ میں نے تو خاموشی اختیارکرلی، عوام بھی دو منٹ کی خاموشی اختیار کرلے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube