Tuesday, September 28, 2021  | 20 Safar, 1443

لڑکا،لڑکی تشددکیس:پولیس نےملزمان سے ویڈیوز برآمد کرلیں

SAMAA | - Posted: Jul 10, 2021 | Last Updated: 3 months ago
SAMAA |
Posted: Jul 10, 2021 | Last Updated: 3 months ago

فائل فوٹو

اسلام آباد پولیس نے دارالحکومت میں جوڑے کو ہراساں اور ان پر تشدد کرنے والے ملزمان کے موبائل سے ویڈیوز برآمد کرکے وفاقی تحقیقاتی ایجنسی (ایف آئی اے) کے حوالے کردیں۔

گزشتہ روز اسلام آباد جوڑے کو ہراساں اور ان پر تشدد کرنے والے مرکزی ملزم عثمان مرزا سمیت دیگر ملزمان نے پولیس کے سامنے مزید انکشافات کیے تھے۔

پولیس کے مطابق ملزمان نے دوران تفتیش بتایا کہ وہ متاثرہ لڑکی کو بلیک میل کرکے مختلف مواقع پر 13 لاکھ روپے بٹور چکے ہیں۔ ملزمان لڑکی سے الگ الگ پیسے لیتے رہے اور ویڈیو وائرل ہونے سے پہلے تک مزید پیسوں کا تقاضا کیا۔

پولیس کا کہنا ہے کہ ملزمان کےانکشافات کے بعد پولیس نے گرفتار ملزمان سے نئے سرے سے تفتیش کا فیصلہ کیا تھا جس کے باعث ملزمان کے ایک اور ساتھی بلال مروت کو بھی گرفتار کرلیا گیا۔ جس کے بعد ملزمان کی تعداد 5 ہوگئی ہے۔

لڑکا،لڑکی تشددکیس:عثمان سمیت 3ملزمان کاجسمانی ریمانڈ

اس سے قبل اسلام آباد کی ڈسٹرکٹ اینڈ سیشن کورٹ نے لڑکا لڑکی تشدد کیس میں عثمان مرزا سمیت دیگر ملزمان کا مزید 4 روزہ جسمانی ریمانڈ منظور کیا تھا۔

عدالت میں پولیس نے استدعا کرتے ہوئے کہا کہ ملزمان کے قبضے سے واردات میں استعمال ہونے والے موبائل فونز برآمد کرنے ہیں اس لیے ملزمان کا مزید 4 روزہ ریمانڈ دیا جائے جو عدالت نے منظور کرلیا۔ ملزمان کے وکیل نے جسمانی ریمانڈ کی مخالفت کی تھی۔

اسلام آباد:لڑکے،لڑکی کوبرہنہ کرکےتشدد کرنےوالا مرکزی ملزم گرفتار

یاد رہے کہ دارالحکومت اسلام آباد میں لڑکی اور لڑکے کو بلیک میل اور تشدد کرنے کی ویڈیو منگل کے روز وائرل ہوئی تھی جس میں عثمان مرزا نامی ملزم ایک جوڑے کو بری طرح سے پیٹ رہا تھا، ان کے کپڑے کھینچ رہا تھا، لڑکی کو برہنہ کرنے کی کوشش کر رہا تھا۔

اسلام آباد تشدد کیس: نئے انکشافات، مزید گرفتاری

واضح رہے کہ عثمان اور اسکے ساتھیوں نے دو ماہ پہلے لڑکی کی برہنہ ویڈیو بنائی تھی تاہم ملزمان کی جانب سے ویڈیو اب سوشل میڈیا پر وائرل کی گئی۔ ویڈیو کی بنیاد پر ملزمان لڑکے اور لڑکی پر تشدد کے علاوہ اُنہیں بلیک میل کررہے تھے۔

WhatsApp FaceBook
تازہ ترین
Usmain mirza hasserment,Usmain mirza harassment case ,usmain mirza case , Usman Mirza harassment video, usmain mirza viral video , usmain mirza case harassment
 
 
 
مقبول خبریں
مقبول خبریں
 
 
 
 
 
Facebook Twitter Youtube