Monday, September 20, 2021  | 12 Safar, 1443

لاہور دھماکے کے ماسٹرمائنڈ کاتعلق بھارت سے ہے، معید یوسف

SAMAA | - Posted: Jul 4, 2021 | Last Updated: 3 months ago
SAMAA |
Posted: Jul 4, 2021 | Last Updated: 3 months ago
Lhr blast

فوٹو: آن لائن

مشیر قومی سلامتی معید یوسف کا کہنا ہے کہ لاہور کے علاقے جوہر ٹاؤن میں ہونے والے دھماکے کے ماسٹر مائنڈ کا تعلق بھارت سے ہے۔

اسلام آباد میں آئی جی پنجاب انعام غنی اور وزیر اطلاعات فواد چوہدری کے ہمراہ پریس کانفرنس کرتے ہوئے مشیر قومی سلامتی معید یوسف نے کہا کہ اس حملے کے تانے بانے بھارت سے جڑتے ہیں اور ہم بارہا کہہ چکے ہندوستان پاکستان کے خلاف دہشتگردی میں ملوث ہے۔

مشیر قومی سلامتی نے کہا کہ ماسٹر مائنڈ بھارت کا رہائشی ہے اور بھارتی ایجنسی ’’را‘‘ سے اسکا واضح طور پر ایک تعلق ہے۔ تحقیقات میں خلل ڈالنے کے لیے دشمن کی جانب سے سائبر حملے بھی کیے گئے لیکن دشمن کا ناکامی ہوئی۔

معید یوسف نے کہا کہ دہشت گردوں کو تیسرے ملک کے ذریعے بھارت سے پیسے بھجوائے گئے جبکہ دہشت گردوں کے نام اور تمام تفصیلات ہمارے پاس موجود ہیں۔

انہوں نے کہا کہ ہمارے خلاف کارروائی کرنے والے دہشت گرد خود کو مضبوط سمجھتے ہیں لیکن وقت آگیا ہے کہ عالمی برادری اس واقعےکا نوٹس لے۔

Lahore blast map

اس موقع پر آئی جی پنجاب انعام غنی کا کہنا تھا کہ دھماکے کے دہشت گردوں نے 21 اور 22 تاریخ کو ریکی کی جبکہ دھماکے میں استعمال گاڑی چوری کی گئی تھی۔ جوہرٹاؤن دھماکے کے ملزمان کو گرفتار کرلیا گیا ہے۔

آئی جی پنجاب کا مزید کہنا تھا کہ کراچی کے 56 سلہ رہائشی پیٹر پال نامی ملزم نے دھماکے میں استعمال گاڑی کا بندوبست کیا اور عید گل نامی ملزم نے دھماکا خیز مواد گاڑی میں نصب کیا۔

آئی جی پنجاب نے بتایا کہ دھماکے میں 3شہری جاں بحق اور 22زخمی ہوئے تھے جبکہ 7گھروں اور 12 گاڑیوں کو نقصان پہنچا۔

وفاقی وزیر اطلاعات و نشریات فواد چوہدری کا کہنا تھا کہ دہشت گرد کارروائیوں میں بھارت براہ راست ملوث ہے اور لاہور دھماکے میں بھی بھارت براہ راست ملوث تھا۔

فواد چوہدری نے کہا کہ پاکستان نے طویل عرصے تک دہشت گردی کے خلاف جنگ لڑی ہے لیکن بھارتی اسٹیبلشمنٹ پاکستان میں دہشتگردی نیٹ ورک کو سپورٹ کر رہی ہے۔

WhatsApp FaceBook
تازہ ترین
Lahore dhamake ka mastermind, dehshatgard ka talluq India say
 
 
 
مقبول خبریں
مقبول خبریں
 
 
 
 
 
Facebook Twitter Youtube