Saturday, October 16, 2021  | 9 Rabiulawal, 1443

بدفعلی کیس،عزیز الرحمان کےجسمانی ریمانڈ میں توسیع

SAMAA | - Posted: Jun 25, 2021 | Last Updated: 4 months ago
SAMAA |
Posted: Jun 25, 2021 | Last Updated: 4 months ago

لاہورکی مقامی عدالت نے مدرسے کے طالب علم کے ساتھ بدفعلی کے الزام میں گرفتارعزیزالرحمان کے جسمانی ریمانڈ میں 3 دن کی توسیع کردی۔

جمعہ کولاہور کی مقامی عدالت میں جوڈیشل مجسٹریٹ رانا راشد علی نے عزیزالرحمان کےجسمانی ریمانڈ کی درخواست پر سماعت کی۔عدالت میں پولیس کی جانب سے ملزم کی میڈیکل ٹیسٹ رپورٹ جمع کروا دی گئی۔پولیس نے جسمانی ریمانڈ مکمل ہونے کے بعد ملزم عزیزالرحمان کو عدالت کے روبرو پیش کیا۔

عدالت کوپولیس کی جانب سےبتایا گیا کہ ملزم سے مزید تفتیش درکار ہے اورعدالتی حکم پر ملزم کا ڈی این اے ٹیسٹ کروا لیا گیا ہے۔ عدالت نے ملزم کے جسمانی ریمانڈ میں 3 روز کی توسیع کرکے ملزم کو 28 جون کو دوبارہ عدالت کے روبرو پیش کرنے کا حکم دے دیا۔

منگل کو مدرسے میں طالبعلم کے ساتھ بدفعلی کرنے کے الزام میں گرفتارعزیزالرحمن کے3 بیٹوں کی 30 جون تک عبوری ضمانتيں منظور کرلی گئی تھیں۔ عزیزالرحمن کے تینوں بیٹوں نے عبوری ضمانتوں کے لیے سیشن کورٹ سے رجوع کيا تھا۔ درخواست گزار نے موقف اختیار کیا کہ پولیس نے مقدمے میں متعدد نامعلوم افراد کو نامزد کر رکھا ہے۔

 مزیدپڑھیں:بدفعلی کیس: عزيزالرحمان کےحق میں تقریر کرنے والا خطیب گرفتار

اپنےاعترافی بیان میں عزیزالرحمان نے بتایا کہ وائرل ہونےوالی ویڈیو ان کی ہے اور وہ ویڈیو متاثرہ لڑکےنےچھپ کربنائی تھی۔ عزيزالرحمان نے اپنے بیان میں کہا کہ مدرسے کے لڑکے کو پاس کرنے کا جھانسہ دے کر بدفعلی کی لیکن ویڈیو وائرل ہونے کے بعد خوف کا شکار ہوگیا تھا۔ بیٹوں نے لڑکے کو کسی سے بات کرنے سے روکا تاہم منع کرنے کے باوجود ویڈیو وائرل کردی۔

عزیزالرحمان نے مزید بیان دیا کہ مدرسہ چھوڑنا نہیں چاہتا تھا اور اس لیے ویڈیو بیان جاری کیا تاہم انتظامیہ مدرسہ چھوڑنے کا کہہ چکی تھی اور اس لئے میانوالی میں چھپ کر رہ رہا تھا۔

مزید پڑھیں:بدفعلی کیس،ملزم عزیزاورطالبعلم کاميڈيکل ٹيسٹ کرالیاگیا

عزیزالرحمان کيخلاف صابر شاہ کی مدعیت میں مقدمہ درج کیا گیا ہے۔آئی جی پنجاب نے اس معاملے کو ٹيسٹ کيس قرار ديتے ہوئے ٹويٹ کيا تھا کہ معاملے کی سائنسی اور جديد تقاضوں کے مطابق تفتيش کی جائے گی اورملزم کوعدالت سے قانون کے مطابق سزا دلوائی جائے گی۔

واضح رہے کہ چند روز قبل سوشل میڈیا پر ایک ویڈیو وائرل ہوئی تھی۔ درج ایف آئی آر کے مطابق ویڈیو لاہور میں مدرسہ جامعہ منظورالاسلامیہ کے برطرف عہدےدار مفتی عزیز الرحمان اور مدعی طالب علم کی ہے۔

WhatsApp FaceBook
تازہ ترین
بدفعلی کیس،عزیز الرحمان کے جسمانی ریمانڈ توسیع,Badfaili kai mulzim kai ubouri remand mai tausee
 
 
 
مقبول خبریں
مقبول خبریں
 
 
 
 
 
Facebook Twitter Youtube