Thursday, September 23, 2021  | 15 Safar, 1443

سندھ: میٹرک اور انٹر کے امتحانات کی تاریخ کا اعلان

SAMAA | - Posted: Jun 18, 2021 | Last Updated: 3 months ago
SAMAA |
Posted: Jun 18, 2021 | Last Updated: 3 months ago

فائل فوٹو

محکمہ تعلیم سندھ نے میٹرک اور انٹر کے امتحانات سے متعلق تاریخ کا اعلان کردیا ہے، جب کہ پہلی سے 8 ویں جماعت تک کے امتحانات لینے کا فیصلہ اسکولوں کی اپنی مرضی پر منحصر ہوگا۔

وزیر تعلیم سندھ سعید غنی کی زیر صدارت محکمہ تعلیم کی اسٹیئرنگ کمیٹی کا اجلاس آج بروز جمعہ 18 جون کو ہوا۔

اجلاس میں 10 ویں جماعت کے امتحان 5 جولائی اور 12 ویں جماعت کے امتحان 26 جولائی سے شروع کرنے کی منظوری دی گئی۔ کمیٹی کی جانب سے امتحانات کی تاریخ کا نوٹی فیکیشن بھی جاری کردیا گیا ہے۔

محکمہ تعلیم سندھ کے نوٹیفکیشن کے مطابق نویں کے امتحانات 10 ویں کے اور 11 ویں جماعت کے امتحان بارہویں کے بعد ہوں گے۔ امتحانی پرچے 50 فیصد ایم سی کیوز، 30 فیصد مختصر اور 20 فیصد طویل جوابات پر مشتمل ہوں گے۔

نوٹیفکیشن کے مطابق امتحانات کا وقت 3 گھنٹے سے کم کرکے 2 اور 2 گھنٹے سے کم کرکے1 گھنٹے ہوگا۔ پہلی جماعت سے 8 ویں جماعت کے امتحانات اسکول اپنی سہولت کے تحت لے سکیں گے۔

ٹیکنیکل بورڈ کے تحت 10ویں جماعت کے امتحان 6 جولائی اور بارہویں کے 24 جولائی کو ہوں گے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube