Wednesday, October 27, 2021  | 20 Rabiulawal, 1443

خیبرپختونخوا: شدید گرمی کےباعث پرائمری،مڈل اسکولز بند رکھنےکا فیصلہ

SAMAA | - Posted: Jun 14, 2021 | Last Updated: 4 months ago
SAMAA |
Posted: Jun 14, 2021 | Last Updated: 4 months ago

فوٹو: آن لائن

خیبرپختونخوا میں شدید گرمی کے باعث پرائمری اور مڈل اسکولوں کو بند رکھنے کا فیصلہ کیاگیا ہے۔

محکمہ تعلیم خیبرپختونخوا کے مطابق گرم علاقوں میں پرائمری اور مڈل اسکول تاحکم ثانی بند رہیں گے جبکہ نویں سے بارہویں جماعت تک کہ اوقات صبح 7 بجے سے 10 بجے تک مقرر کیے گئے ہیں۔

محکمہ تعلیم کا مزید کہناہے کہ جہاں درجہ حرارت کم ہوگا وہاں اوقات معمول کے مطابق ہوں گے تاہم گریڈ 9 سے گریڈ 12 کو صرف وہ مضامین پڑھائے جائیں گے جن کا امتحان ہوگا۔

وفاقی سرکاری تعلیمی اداروں کے اوقات کار تبدیل

ملک بھر میں جاری غیرمعمولی گرمی کی وجہ سے وفاقی سرکاری تعلیمی اداروں کے بھی اوقات کار کم کردیے گئےہیں۔

تعلیمی ادارے سوموار سے جمعرات تک صبح 7 سے دن 11 بجے تک کھلیں گے جبکہ ایوننگ شفٹ والے تعلیمی ادارے جمعہ اور ہفتے کو کھلیں گے۔

میٹرک، انٹرمیڈیٹ کے سالانہ امتحانات 10جولائی سے شروع ہونگے

قبل ازیں پنجاب بھر میں سرکاری اور نجی اسکولوں کے اوقات کار بھی تبدیل کردیے گئے تھے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube