Thursday, August 5, 2021  | 25 Zilhaj, 1442

ٹرین حادثہ:بیان کوسیاق وسباق سےہٹ کرپیش کیاگیا، عاشق اعوان

SAMAA | - Posted: Jun 8, 2021 | Last Updated: 2 months ago
SAMAA |
Posted: Jun 8, 2021 | Last Updated: 2 months ago

معاون خصوصی اطلاعات پنجاب ڈاکٹر فردوس عاشق اعوان کا کہنا ہے کہ گزشتہ روز ٹرین حادثے پر میرے دیے گئے بیان کو سیاق و سباق سے ہٹ کر پیش کیاجارہا ہے۔

سماجی رابطے کی سائٹ ٹوئٹر پر ڈاکٹر فردوس عاشق اعوان نے کہا کہ گذشتہ کئی سالوں میں پے در پےپیش آنے والے ٹرین حادثات کی نسبت رواں برس اس نوعیت کے خوفناک حادثات میں نمایاں کمی آئی ہے۔ گزشتہ 15ماہ میں یہ پہلا بڑا ٹرین حادثہ ہے۔

انہوں نے کہا کہ میرے گزشتہ روز اس تناظر میں دیے گئے بیان کو میڈیا میں سیاق و سباق سے ہٹ کر توڑ موڑ کر پیش کیاگیا۔

گھوٹکی ٹرین حادثہ: جاں بحق افراد کی تعداد 62ہوگئی

معاون خصوصی پنجاب نے مزید کہا کہ ریلوے ٹریکس کی اَپ گریڈیشن پر کام جاری ہے جبکہ ریلوے کے نظام میں موجود خامیاں دور کرنےکی کوشش کررہے ہیں۔

انہوں کہا کہ ریلوے میں موثر حکمت عملی کے ساتھ مستقبل میں ایسے ناخوشگوار واقعات سے بچاجاسکے گا۔

یاد رہے کہ گزشتہ روز فردوس عاشق اعوان نے اپنے ایک بیان میں کہا تھا کہ ’ہماری حکومت میں یہ اللہ کے فضل سے پہلا بڑا حادثہ ہے‘۔ جس کے بعد انہیں شدید تنقید کا سامنا تھا۔

واضح رہے کہ گھوٹکی کے قریب ٹرین کے خوفناک حادثے میں 62 اافراد جاں بحق جبکہ 100 سے زائد زخمی ہیں۔ حکام نے ہلاکتوں میں اضافے کا خدشہ ظاہر کیا ہے۔

ٹرین حادثےمیں جاں بحق 7 افراد کی لاشیں لودھراں پہنچادی گئیں ہیں۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube