Tuesday, August 3, 2021  | 23 Zilhaj, 1442

لاہور: گاڑی کی ٹکر سے کانسٹیبل زخمی، ڈرائیور گرفتار

SAMAA | and - Posted: Jun 6, 2021 | Last Updated: 2 months ago
Posted: Jun 6, 2021 | Last Updated: 2 months ago

ملزم تین روزہ جسمانی ریمانڈ پر پولیس کے حوالے

لاہور ميں کانسٹيبل کو گاڑی کے نيچے کچل کر زخمی کرنے والے ڈرائيور کو تین روزہ جسمانی ریمانڈ پر پولیس کے حوالے کر دیا گیا۔

اتوار 6جون کو پوليس نے ملزم حمزہ جاوید کو اسپيشل مجسٹريٹ کے روبرو پيش کیا۔

پولیس کے مطابق گزشتہ روز گاڑی کا ڈرائیور مال روڈ پہ واقع ہوٹل میں خود کو حساس ادارے کا اہلکار ظاہر کرکے جھگڑ کر نکلا تو تھانہ ریس کورس کے اہلکار منور خان نے کنال روڈ پر واقع انڈر پاس میں گاڑی کو روکا۔

گاڑی روکنے کے بعد ڈرائیور اور اہلکار میں ہاتھا پائی ہوتی رہی جبکہ اس دوران اہکار گاڑی کے اندر گھسا تو ڈرائیور نے گاڑی بھگا دی اور کانسٹیبل گاڑی کے ٹائر کے نیچے آگیا۔

موقع پر موجود افراد نے اہلکار کو نکالا تو ڈرائیور گاڑی لیکر دوبارہ فرار ہوگیا۔ گارڈن ٹاؤن کے قریب جاکر گاڑی کے نیچے پھنسی موٹر سائیکل کی وجہ سے آگ لگ گئی اور گاڑی مکمل طور پر جل گئی۔

پولیس نے ڈرائیور حمزہ جاوید کو گرفتار کرکے تفتیش شروع کر دی ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube