Sunday, November 28, 2021  | 22 Rabiulakhir, 1443

آپ کرونا ویکسینیشن کا نادرا سرٹیفکیٹ کیسےحاصل کرسکتے ہیں؟

SAMAA | - Posted: Jun 1, 2021 | Last Updated: 6 months ago
SAMAA |
Posted: Jun 1, 2021 | Last Updated: 6 months ago

فوٹو: سماء ڈیجیٹل

کرونا سے بچاؤ والی ویکسین کی دونوں ڈوزز لگنے کے بعد نادرا کی جانب سے ایک سرٹیفکیٹ جاری کیا جاتا ہے جسے آپ کو مختلف جگہوں پر پیش کرنا پڑ سکتا ہے۔ ایسے اشخاص جو کرونا ویکسین کی دونوں ڈوزز لے چکے ہیں وہ نادرا کا مذکورہ سرٹیفکیٹ خود ہی بآسانی حاصل کرسکتے ہیں۔

ویکسینیشن کی دونوں ڈوز لگ جانے کے بعد آپ اپنا سرٹیفکیٹ نادرا کی ویب سائٹ پر چیک کر کے ڈاؤن کرسکنے کے علاوہ اس کا پرنٹ آؤٹ بھی لے سکتے ہیں۔

کوویڈ-19 ویکسینیشن کی دونوں ڈوز لینے کے بعد آپ نادرا کی ویب سائٹ وزٹ کریں جہاں آپ سے قومی شناختی کارڈ نمبر، شناختی کارڑ کی تاریخ کا اجراء اور موبائل نمبر مانگا جائے گا جسے پر کرکے آپ اپنا امیونائزیشن سرٹیفکیٹ دیکھ سکتے ہیں۔

رواں سال 7 کروڑافراد کو کرونا ویکسین لگانے کا ہدف مقرر

امیونائزیشن سرٹیفکیٹ میں آپ کی تاریخ پیدائش، قومی شناختی کارڈ نمبر اور قومیت لکھی ہوگی جبکہ اسی طرح آپ کو دونوں ڈوزز کس اسپتال یا ویکسینیشن سینٹر میں لگی ہیں اس کی معلومات بھی موجود ہوگی۔

نیشنل امیونائزیشن منجمنٹ سسٹم (این آئی ایم ایس) اور نادرا کے اشتراک سے کرونا ویکسینیشن کی دونوں ڈوز لگوانے والے افراد اپنا ڈیٹا دیے گئے لنک سے چیک کرسکتے ہیں۔

https://nims.nadra.gov.pk/nims/registration

یاد رہے کہ امیونائزیشن سرٹیفکیٹ حاصل کرنے کی فیس 100 روپے ہے جو افراد آن لائن فیس جمع نہیں کراسکتے وہ نادرا دفاتر سے جاکر سرٹیفکیٹ حاصل کرسکتے ہیں۔

اس سے قبل سربراہ این سی او سی اسد عمر کا کہنا ہے تھا کہ ملک بھر میں 70 لاکھ لوگوں کو ویکسن لگائی جاچکی ہے اور رواں سال کے احتتام تک 7 کروڑ لوگوں کو ویکسین لگائی جائے گی۔

واضح رہے کہ گزشتہ 24گھنٹوں ملک میں کرونا وائرس کے ایک ہزار 771 نئے کیسز رپورٹ ہوئے جبکہ 71اموات ہوئیں۔

دوسری جانب ملک میں ایک کروڑ سے زائد افراد کو کرونا ویکسینیشن لگائی جاچکی ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube