Thursday, September 23, 2021  | 15 Safar, 1443

اللہ پاکستان کو بھارت جیسے حالات سے محفوظ رکھے، شاہ محمود

SAMAA | - Posted: May 13, 2021 | Last Updated: 4 months ago
SAMAA |
Posted: May 13, 2021 | Last Updated: 4 months ago

دنیا کو ملکر امن کیلئے سوچنا ہوگا

 شاہ محمو قریشی کا کہنا ہے کہ قبلہ اول پر اسرائیلی فوجیوں کی چڑھائی نے بربریت کی انتہا کردی ہے۔ یہ کارروائیاں اب ہر صورت بند ہونا چاہیے۔ کرونا سے متعلق انہوں نے کہا کہ اللہ پاکستان کو بھارت جیسے حالات سے محفوظ رکھے۔

ملتان میں نماز عید کے بعد میڈیا سے گفتگو میں پاکستانی وزیر خارجہ شاہ محمود قریشی کا کہنا تھا کہ پوری قوم کرونا کے چیلنج سے نبرد آزما ہے۔ عید کے دوران قوم نے ذمہ داری کا مظاہرہ کرنا ہے۔ احتیاطی تدابیر کے ذریعے کرونا پر قابو پایا جا سکتا ہے، بھارت میں لاکھوں افراد روزانہ کرونا سے متاثر ہو رہے ہیں، اللہ تعالی پاکستان کو بھارت جیسے حالات سے محفوظ رکھے۔

شاہ محمود قریشی کا کہنا تھا کہ وزیراعظم کی ترک صدر سے فلسطین کے معاملے پر گفتگو ہوئی ہے۔ مجھے وزیراعظم کا ترک وزیرخارجہ کے ساتھ رابطے کا پیغام ملا۔ فلسطین کی صورت حال پر آج ترک ہم منصب سے بات کروں گا، وزیراعظم نے سعودی قیادت کے ساتھ بھی بات کی، پاکستان کا فلسطین کے حوالے سے واضح مؤقف ہے، 27 رمضان کوقبلہ اول پر بے دردی سے چڑھائی کی گئی۔

وزیرخارجہ نے یہ بھی کہا کہ مسئلہ کشمیر اور فلسطین دونوں حل طلب ہیں۔ سلامتی کونسل میں بھی مسئلہ فلسطین کو اجاگر کیا گیا۔ افغانستان میں امن عمل آگے بڑھ رہا ہے، عالمی برادری نے افغان امن میں پاکستان کے کردار کی تعریف کی، پاک ایران تعلقات میں بہتری اورگرم جوشی ہے

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube