Sunday, September 19, 2021  | 11 Safar, 1443

وزیراعظم کی عید کے موقع پر مسلمانوں کو مبارک باد

SAMAA | - Posted: May 13, 2021 | Last Updated: 4 months ago
SAMAA |
Posted: May 13, 2021 | Last Updated: 4 months ago

فائل فوٹو

وزیراعظم عمران خان نے عید الفطر کے موقع پر اہلیان وطن اور ملت اسلامیہ کو مبارکباد پیش کی ہے۔

اپنے پیغام میں وزیراعظم عمران خان کا کہنا تھا کہ اللہ تعالی کا شکر ہے کہ اس نے ہمیں رمضان المبارک کے فیوض و برکات سے مستفید ہونے کا موقع فراہم کیا۔ اللہ رب العزت ہمارے روزوں اور عبادات کو اپنی بارگاہ مبارک میں قبول فرمائے۔

وزیراعظم کا کہنا تھا کہ احساس اور دوسروں کا درد ہی انسانی معاشرے کی اصل طاقت اور پہچان ہوتے ہیں اور یہی ریاست مدینہ کا خاصہ تھا جو ہمارا رول ماڈل ہے۔ ہمیں چاہیے کہ ہم پورا سال اس جذبے کو ساتھ لے کر چلیں اور معاشرے کو انسان دوست بنانے میں اپنا بھرپور کردار ادا کریں۔

اس موقع پر کرونا وائرس کے پھیلاؤ پر انہوں نے کہا کہ جیسا کہ آپ جانتے ہیں کہ ہم اس وقت کرونا وباء کی تیسری لہر سے نبردآزما ہیں۔ موجودہ حالات کے پیش نظر میری پوری قوم سے درخواست ہے کہ عیدالفطر کے موقع پر کرونا سے بچاؤ کے حوالے سے ایس او پیز پر مکمل طریقے سے عمل پیرا ہوں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube