Sunday, September 26, 2021  | 18 Safar, 1443

پاکستان کا مسجداقصیٰ پر اسرائیلی حملے پر شدید اظہار مذمت

SAMAA | - Posted: May 8, 2021 | Last Updated: 5 months ago
SAMAA |
Posted: May 8, 2021 | Last Updated: 5 months ago

پاکستان نے مسجد اقصٰی میں نمازیوں پر اسرائیلی حملے کی شدید مذمت کی ہے۔ دفتر خارجہ نے مطالبہ کيا ہے کہ عالمی برداری فلسطینیوں کی حفاظت کیلئے فوری اقدامات کرے۔

جمعہ کو مسجد اقصیٰ پر اسرائیلی فوج کے حملے میں تقریباً 200 فلسطینی زخمی ہوگئے تھے، جن میں 80 سے زائد افراد کی حالت تشویشناک ہے۔ واقعے کے بعد مختلف علاقوں میں مظاہرے کئے گئے، مغربی کنارے میں اسرائیلی فوج کی فائرنگ سے 2 فلسطینی شہید اور ایک زخمی ہوگیا۔

ترجمان دفتر خارجہ نے اپنے بيان ميں کہا کہ مسجد اقصٰی پر قابض اسرائیلی فوج کی فائرنگ اور نمازیوں کے زخمی ہونے کا واقعہ انتہائی افسوسناک ہے، ایسے حملے انسانی حقوق اور اخلاقی قدروں کیخلاف ہیں۔

ترجمان نے زخمی فلسطینوں کی جلد صحت یابی کیلئے دعا کرتے ہوئے مطالبہ کيا کہ عالمی برداری فلسطینیوں کی حفاظت کیلئے فوری ایکشن لے۔

دفتر خارجہ کا کہنا ہے کہ خطے میں دیرپا امن کیلئے او آئی سی اور اقوام متحدہ کی قرار داروں پر عملدرآمد کیا جائے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube