Thursday, June 17, 2021  | 6 ZUL-QAADAH, 1442

کیمبرج طلبہ کیجانب سے آن لائن امتحانات کی درخواست مسترد

SAMAA | - Posted: Apr 23, 2021 | Last Updated: 2 months ago
SAMAA |
Posted: Apr 23, 2021 | Last Updated: 2 months ago

او اور اے لیول کے طلبا کی فزیکل امتحانات کے خلاف درخواست پر اسلام آباد ہائی کورٹ کے چیف جسٹس اطہر من اللہ نے فیصلہ سنادیا ہے۔عدالت نے کہا ہے کہ ایسے معاملات عدالت میں نہیں سنے جا سکتے۔

جمعہ کو اسلام آباد ہائیکورٹ میں کرونا کی وجہ سے او اور اے لیول کے طلبا کی فزیکل امتحانات کے خلاف درخواست پر سماعت ہوئی۔ چیف جسٹس اطہر من اللہ نے ریمارکس دئیے کہ کوئی ہدایت جاری نہیں کرسکتے اور درخواست این سی او سی کو بھیج دیتے ہیں۔ عدالتوں کا کام نہیں کہ ملک کے پالیسی معاملات میں مداخلت کریں۔

چیف جسٹس اطہر من اللہ نےمزید کہا کہ آج تک کرونا سے متعلق جتنے معاملات آئے اس میں عدالت نے این سی او سی پالیسی کے فیصلوں میں مداخلت نہیں کی۔چیف جسٹس نےواضح کیا کہ ویسے بھی حکومت پاکستان کیمرج کو کوئی ہدایت جاری نہیں کرسکتی اورحکومت صرف ان امتحانات سے متعلق یہاں سہولت فراہم کرتی ہے۔

کیمبرج امتحانات سےمتعلق کوئی بھی فیصلہ پورےملک پر لاگو ہوگا،ایڈیشنل اٹارنی جنرل

عدالت نے درخواست گزار کے وکیل سے استفسار کیا کہ کیا آپ چاہتے ہیں کہ  حکومت ان کوامتحان لینے سے روک دے۔ عدالت کو درخواست گزار وکیل نے بتایا کہ درخواست میں کوئی ایسی چیز نہیں مانگ رہے جو کیمرج کی پالیسی نہ ہو۔درخواست کیمرج کے خلاف نہیں بلکہ کیمرج نے 2 آپشن دئیے۔ سعودی عرب، تھائی لینڈ اور بھارت نےفزیکل کی بجائے آن لائن امتحان کےآپشن کو اپنایا ہے۔

چیف جسٹس نے کہا کہ آپ کی پٹیشن میں 9 درخواست گزار ہیں،ہوسکتا ہے کہ باقی ہزاروں طلبہ فزیکل امتحان دینا چاہتے ہوں۔9 پٹیشنرہزاروں طلبہ کے نمائندے تو نہیں ہو سکتے۔چیف جسٹس نےمزید استفسار کیا کہ یہ کیسے بچے ہیں جوامتحانات نہیں دینا چاہتے۔

گذشتہ روز مریم نواز نے ٹویٹ کرتے ہوئے کہا تھا کہ طلبہ کو کيمبرج امتحانات دينے پر مجبور کرنا سمجھ سے بالاتر ہے۔ خطے کے ديگر ممالک نے کيمبرج امتحانات ملتوی کرديے ہيں۔ اميد ہے کہ عقل و حکمت سے کام لے کرطلبہ کو سنا جائے گا۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter