Saturday, June 12, 2021  | 1 ZUL-QAADAH, 1442

شانگلہ: کئی ديہاتوں کا واحد رابطہ پل خستہ حالی کاشکار

SAMAA | - Posted: Apr 22, 2021 | Last Updated: 2 months ago
SAMAA |
Posted: Apr 22, 2021 | Last Updated: 2 months ago

مقامی افراد کی جان کو شدید خطرہ لاحق

خیبرپختونخوا کے ضلع شانگلہ میں کئی دیہاتوں کا واحد رابطہ پل خستہ حالی کا شکار ہے، جس کے باعث پُل عبور کرنیوالے افراد کی جان کو شدید خطرہ لاحق ہے۔

رانیال کے مقام پر دریا پر بننے والے لکڑیوں کا يہ پل انتہائی بوسیدہ ہوچکا ہے لیکن مقامی لوگ رابطہ پل استعمال کرنے پر مجبور ہیں۔

شہریوں کا کہنا ہے کہ اس پل کی حالت بہت خراب ہے گاڑی میں مریض یا خواتین گزرتے ہیں تو وہ پیدل ہی پل عبور کرنے پر مجبور ہوتے ہیں کیوں کہ لوگوں کے پاس اس کے علاوہ کوئی اور دوسرا راستہ نہیں ہے۔

عوام کا کہنا ہے کہ 6 سال پہلے اس مقام پر پختہ پل تعمير کرنے کی منظوری دی گئی تھی اور کام بھی کچھ شروع ہوا تھا ليکن پھر مزید کوئی پیشرفت تاحال نہیں ہوسکی ہے۔

شہریوں کا کہنا ہے کہ جب ہم احتجاج کرتے ہیں تو ٹھیکدار آتا ہے اور ایک آدھ ہفتہ کام کرکے دوبارہ غائب ہوجاتا ہے۔

ان کا کہنا ہے کہ رانیال کے ان دیہاتوں کو جانے والی شاہراہ بھی اتنی خستہ حال اور تنگ ہے کہ دو گاڑیوں کا گزرنا بھی مشکل ہوجاتا ہے۔

علاقہ مکینوں نے کہا کہ حکمراں انتخابی مہم کے دوران وعدے تو کرتے ہيں ليکن برسوں بعد بھی اس علاقے کی قسمت نہيں بدل سکی ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube