Tuesday, September 28, 2021  | 20 Safar, 1443

طے تھاملک میں رمضان کاآغاز ایک ہی دن ہوگا، مولانااشرفی

SAMAA | - Posted: Apr 13, 2021 | Last Updated: 6 months ago
SAMAA |
Posted: Apr 13, 2021 | Last Updated: 6 months ago

وزیراعظم کے معاون خصوصی برائے بین المذاہب ہم آہنگی مولانا طاہر اشرفی کا کہنا ہے کہ پورے ملک میں ایک ہی دن رمضان کا آغاز وزارت مذہبی امور کی کوششوں کا نتیجہ ہے۔

سماء کے پروگرام 7 سے 8 میں گفتگو کرتے ہوئے وزیراعظم کے معاون خصوصی برائے بین المذاہب ہم آہنگی مولانا طاہر اشرفی نے کہا کہ مفتی پوپلزئی ہمارے ساتھ رابطے میں تھے اور ہمارے فیصلے کے مطابق اگر ان کی جانب سے رمضان کے چاند کی شہادت آتی تو اس پر غور کیا جاتا۔

مزید جانیے: رمضان کاچاند نظرآگیا، پاکستان میں کل (بدھ کو) پہلاروزہ ہوگا

مولانا طاہر اشرفی نے کہا کہ مسجد قاسم علی خان میں ایک روایتی اجلاس ہوا تھا لیکن یہ طے ہوچکا تھا کہ فیصلہ ایک ہی ہوگا۔ انہوں نے مزید کہا کہ ہم نے تمام علماء کرام  سے مشاورت کی تھی تاہم بعض حضرات کا اعتراض یہ تھا کہ ہماری شہادتوں کو نہیں مانا جاتا لہٰذا یہ طے کیا گیا تھا کہ شہادت کہیں سے بھی آئے اس کو شرعی لحاظ سے دیکھا جائے گا۔

ان کا کہنا تھا کہ گزشتہ سال سب نے تسلیم کیا تھا کہ مساجد اور مدارس میں کرونا ایس او پیز پر عملدرآمد ہوا جبکہ اس مرتبہ بھی مساجد کی کمیٹیاں ایس اوپیز پر عملدرآمد کرائیں گی۔ انہوں نے عوام سے اپیل کی کہ وہ عبادت کے ساتھ احتیاط بھی کریں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube