Tuesday, January 18, 2022  | 14 Jamadilakhir, 1443

مریم نوازکوگرفتارکرنا ہو تو10روزپہلے آگاہ کیاجائے،عدالت

SAMAA | - Posted: Apr 12, 2021 | Last Updated: 9 months ago
SAMAA |
Posted: Apr 12, 2021 | Last Updated: 9 months ago

لاہور ہائی کورٹ نے مریم نواز کی درخواست ضمانت پر نیب کو ہدایت دیتے ہوئے کہا ہے کہ مریم نواز شریف کو گرفتار کرنا ہو تو نیب حکام 10 روز قبل انہیں آگاہ کریں۔

لاہور ہائی کورٹ میں 12 اپریل بروز پیر رائے ونڈ اراضی کیس میں مریم نواز کی درخواست ضمانت پر سماعت ہوئی۔ لاہور ہائی کورٹ کے جسٹس سردار سرفراز ڈوگر اور جسٹس اسجد جاوید گھرال پر مشتمل دو رکنی بینچ نے درخواست کی سماعت کی۔ اس موقع پر ن لیگ کی نائب صدر مریم نواز اور نیب کے اسپیشل پراسیکیوٹر فیصل بخاری بھی بینچ کے روبرو پیش ہوئے۔

نیب پراسیکیوٹر نے عدالت کو بتایا کہ مریم نواز کے وارنٹ گرفتاری جاری نہیں کیے گئے۔ 10 اپریل کو جواب جمع کرایا گیا تھا۔ جس پر عدالت نے نیب کو مریم نواز کی گرفتاری سے 10 روز قبل آگاہ کرنے کا حکم دیا اور ان کی درخواست ضمانت نمٹا دی۔

درخواست میں مریم نواز شریف نے مؤقف اختیار کیا تھا کہ حکومت کے دباؤ پر نیب درخواست گزار کو گرفتار کرنا چاہتا ہے۔ نیب حکومت کے اشارے پر سیاسی مخالفین کو ٹارگٹ کر رہا ہے۔ عمران خان حکومت کو بچانے کیلئے نیب درخواست گزار کو گرفتار کر سکتا ہے۔

سماعت کے بعد میڈیا سے گفتگو میں مریم نواز شریف کا کہنا تھا کہ نیب عمران خان کے کہنے پر انتقامی کارروائیاں کرتا ہے۔ نیب پولیٹیکل انجینیرنگ کا ادارہ ہے۔ ن لیگ کیخلاف دن رات پروپیگنڈا کیا گیا۔ ن لیگ کو دبانے اور ختم کرنے کی کوشش کی گئی۔

انہوں نے کہا کہ فروری میں یہ دھاندلی کرکے بھی نہیں جیت سکے۔ ہر فورم پر شکست کے بعد انہیں عوام کے میدان میں آنا پڑا۔ یہ سپریم کورٹ گئے کہ ہمیں عوام کی شکست سے بچاؤ۔

مریم کا مزید کہنا تھا کہ یہ میدان میں آئے تو عوام کے ووٹوں نے الٹے پاؤں بھاگنے پر مجبور کر دیا۔ عوام نے ان کو ووٹ چوری کرتے ہوئے رنگے ہاتھوں پکڑا، ن لیگ کو توڑنے کیلئے 5 سال سرتوڑ کوشش کی گئی۔ رانا ثنا اللہ پر جھوٹا مقدمہ بنایا۔

ایک سوال کے جواب میں نائب صدر نے کہا کہ جہانگیر ترین کے آپس کے معاملات پر کچھ نہیں کہنا چاہتی۔ حکومتی اراکین ٹی وی پر حکومت کیخلاف بات کر رہے ہیں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube