Friday, January 21, 2022  | 17 Jamadilakhir, 1443

کوہاٹ میں قتل حریم کے لواحقین کاپولیس تفتیش پرعدم اطمینان

SAMAA | - Posted: Apr 8, 2021 | Last Updated: 10 months ago
SAMAA |
Posted: Apr 8, 2021 | Last Updated: 10 months ago

کوہاٹ میں اغواء کے بعد قتل کی گئی 4 سالہ حریم فاطمہ کے لواحقین نے پولیس تفتیش پر عدم اطمینان کا اظہار کردیا۔ حریم کے دادا فرہاد حسین کا کہنا ہے کہ خاتون سہولت کار ہوسکتی ہے، وہ اکیلے کسی کو قتل نہیں کرسکتی، ہمیں اصل ملزمان چاہئیں، پولیس اس کیس کو دبانے کیلئے جان چھڑا رہی ہے۔

کوہاٹ کے علاقے خٹک کالونی کی رہائشی 4 سالہ بچی حریم فاطمہ کو مارچ کے آخری ہفتے میں اغواء کے بعد قتل کردیا گیا تھا، بچی کی لاش گھر سے 2 کلو میٹر دور ایک نالے کے قریب سے ملی تھی۔ ڈاکٹروں نے بچی پر تشدد کی تصدیق کی تھی۔

مزید جانیے: کوہاٹ میں 4سالہ حریم کے قتل کا معمہ حل ہوگیا

مقتولہ حریم فاطمہ کے دادا فرہاد حسین نے پریس کانفرنس میں پولیس تفتیش پر عدم اطمینان کا اظہار کرتے ہوئے کہا کہ ہم پولیس کی تفتیش سے مطمئن نہیں، ڈی پی او کہتے ہیں خاتون ذہنی مریضہ ہیں، ذہنی مریضہ تو کچھ بھی کہہ سکتی ہے۔

فرہاد حسین کا دعویٰ ہے کہ دوران تفتیش ہم پر دباؤ بھی ڈالا گیا، اکیلی عورت دن دیہاڑے بچی کو کیسے قتل کرسکتی ہے، پولیس جان چھڑانے کے بجائے اصل قاتل سامنے لائے، ہمیں اصل مجرمان چاہئیں، پولیس اس کیس کو دبانے کیلئے جان چھڑا رہی ہے۔

تفصیلات جانیں: کوہاٹ میں ساڑھے تین سالہ بچی مبینہ ریپ کے بعد قتل

انہوں نے مزید کہا کہ پوسٹ مارٹم رپورٹ میں 12 گھنٹے قبل موت ظاہر کی گئی جو رات کے 8 یا 9 بجے کا وقت بنتا ہے مگر ڈی پی او نے پریس کانفرنس میں کہا کہ لاش عصر کے وقت پھینکی گئی۔

حریم فاطمہ کے دادا کا کہنا تھا کہ جو عورت گرفتار ہے، کیا ثبوت ہے کہ سی سی ٹی وی فوٹیج میں بھی وہی تھی۔

یہ بھی پڑھیں: کوہاٹ میں بچی کا ریپ کے بعد قتل، 40افراد زیرِ حراست

فرہاد حسین نے مزید کہا کہ انتہائی ناقص تفتیش کی گئی ہے، ہم ڈی این اے ٹیسٹ سے بھی مطمئن نہیں، ڈی پی او نے ایک ہفتہ قبل ملزمان کی نشاندہی کا کہا تھا مگر اب صرف ایک عورت کو سامنے لایا گیا، مزید ملزمان کہاں ہیں۔

مقتولہ حریم فاطمہ کے چچا حسن فرہاد نے پولیس تفتیش میں لگائے گئے الزامات کو مسترد کردیا، انہوں نے کہا کہ گرفتار خاتون سے کوئی تعلق نہیں تھا، الزم بالکل من گھڑت ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube