Friday, September 24, 2021  | 16 Safar, 1443

اسپیکر اسد قیصر کا دورہ کابل ملتوی ہوگیا

SAMAA | - Posted: Apr 8, 2021 | Last Updated: 6 months ago
SAMAA |
Posted: Apr 8, 2021 | Last Updated: 6 months ago

ٹوئٹر: بشکریہ فرح ناز

قومی اسمبلی کے اسپیکر اسد قیصر کی قیادت میں کابل جانے والے وفد کا دورہ ملتوی کردیا گیا۔

نمائندہ خصوصی برائے افغانستان صادق خان کے مطابق طیارے کے کابل ایئرپورٹ پر لینڈنگ سے پہلے کنٹرول ٹاور نے ایئرپورٹ بندش سے آگاہ کیا۔ دورے کی نئی تاریخ کا اعلان دونوں ممالک کی مشاورت سے دوبارہ کیا جائے گا۔

پارلیمانی وفد میں نمائندہ خصوصی برائے افغانستان محمد صادق خان، رکن پارلیمان غلام مصطفیٰ شاہ، ساجد خان، رانا تنویر، گل داد خان، شیخ یعقوب اور شاندانہ گلزار شامل تھے۔

پاکستان وفد کو 8 سے 11 اپریل تک افغانستان کا دورہ کرنا تھا۔ اس دوران وفد کی افغان صدر اشرف غنی، وزیر خارجہ اور افغان پارلیمنٹ کے اسپیکر سے ملاقاتیں بھی شیڈول تھیں۔

ملاقاتوں میں افغانستان کے ساتھ پاکستانی برآمدات وتجارت بڑھانے پر بات ہونا تھی اور افغان سرمایہ کاروں کو رشکئی اکنامک زون میں سرمایہ کاری کی حوصلہ افزائی سے متعلق امور زیر بحث آنا تھے۔

کابل ایئر پورٹ حکام کا کہنا ہے کہ سیکيورٹی وجوہات کی بنا پر کابل انٹرنیشنل ائیرپورٹ بند ہے۔

یہاں یہ بات بھی قابل ذکر ہے کہ پارلیمانی وفد کے دورہ کابل کے موقع پر افغان دارالحکومت کی سڑکوں کو پاکستانی جھنڈوں اور اسپیکر اسد قیصر کی تصاویر سے سجایا گیا تھا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube