کوئٹہ میں 3 بچوں کے قتل کا مقدمہ درج کرلیا گیا

SAMAA | - Posted: Mar 16, 2021 | Last Updated: 3 months ago
SAMAA |
Posted: Mar 16, 2021 | Last Updated: 3 months ago

کوئٹہ کے علاقے نیو سریاب میں گزشتہ روز 15 مارچ کو تین بچوں کے قتل کا مقدمہ درج کرلیا گیا ہے، جب کہ بچوں کی نگہداشت کرنے والی خاتون ملازمہ سے تفتیش جاری ہے۔

پولیس کے مطابق مقدمہ نیو سریاب تھانے میں بچوں کے چچا نور احمد کی مدعیت میں درج کیا گیا ہے۔ مقدمے میں قتل اور اقدام قتل کی دفعات شامل کی گئی ہیں۔ بچوں کی نگہداشت کرنے والی خاتون ملازمہ سے بھی پولیس نے تفتیش شروع کردی ہے۔

ڈپٹی کمشنر اورنگزیب بادینی کے مطابق بچوں کے قتل کی تحقیقات جاری ہیں۔ بچوں کے ہاتھوں اور جسم پر زخموں کے نشانات موجود ہے۔ قتل کے وقت مزاحمت کی گئی تھی۔ واقعہ میں زخمی ہونے والی بچی اسپتال میں زیر علاج ہے۔

پولیس کا مزید کہنا تھا کہ زخمی بچی کے ہوش میں آنے کے بعد محرکات کا پتا چل سکے گا۔ واضح رہے کہ گزشتہ روز نیو سریاب میں واقع گھر سے 3 بچوں کی تشدد زدہ لاشیں برآمد کی گئی تھیں، جب کہ جائے وقوعہ سے ایک بچی بھی زخمی حالت میں ملی تھی۔

وقوعہ سے کچھ دیر قبل ملازمہ ضروری کام سے گھر سے باہر گئی تھی، جب وہ واپس گھر پہنچی تو بچوں کو اس حالت میں دیکھا اور پولیس کو اطلاع دی۔

دوسری جانب قتل کیے گئے تینوں بچوں کی نماز جنازہ کوئٹہ میں ادا کردی گئی ہے،، جب کہ تدفین کلی اسماعیل قبرستان میں کی گئی ہے۔ نماز جنازہ میں لواحقین اور اہل علاقہ نے شرکت کی۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube