Thursday, June 17, 2021  | 6 ZUL-QAADAH, 1442

تحریک انصاف کاڈپٹی چیئرمین سینیٹ کیلئے اپنا امیدوار لانے کافیصلہ

SAMAA | - Posted: Mar 10, 2021 | Last Updated: 3 months ago
SAMAA |
Posted: Mar 10, 2021 | Last Updated: 3 months ago

اتحادیوں نے اختیار وزیراعظم کو دیدیا

تحریک انصاف کا سینیٹ میں ڈپٹی چیئرمین کیلئے اپنا امیدوار لانے کا فیصلہ کرلیا، تعلق خیبرپختونخوا سے ہوگا۔ سینئر پارٹی قیادت نے مشاورت مکمل کر لی، اتحادیوں نے بھی نامزدگی کا اختیار وزیراعظم کو دے دیا۔

پاکستان تحریک انصاف نے ڈپٹی چیئرمین سینیٹ کی نشست پر اپنا امیدوار لانے کا فیصلہ کرلیا۔ وزیراعظم کی زیر صدارت تحریک انصاف کی سینئر قیادت اور اتحادیوں کا اجلاس ہوا، جس میں ق لیگ، ایم کیو ایم اور بلوچستان عوامی پارٹی سمیت حکمران اتحاد نے امیدوار نامزدگی کا اختیار وزیراعظم کو دے دیا۔

وزیراعظم عمران خان  نے تمام سینیٹرز کو بھی جمعرات کو ملاقات کیلئے بلالیا۔

قائد ایوان شہزاد وسیم نے چیئرمین اور ڈپٹی چیئرمین کے انتخاب میں بھی پیسہ چلنے کا خدشہ ظاہر کردیا۔ ان کا کہنا تھا کہ اپوزیشن والوں کا سینیٹ میں اکثریت کا دعویٰ غلط ہے، اپوزیشن کی سیاست پیسے کی سیاست ہے۔

اس سے پہلے پی ٹی آئی کی سینئر قیادت کے اجلاس میں ڈپٹی چیئرمین سینیٹ کیلئے مرزا آفریدی، فیصل جاوید اور اعجاز چوہدری کے ناموں پر غور کیا گیا۔

خیبر پختونخوا سے سینیٹ کے ارکان کی زیادہ تعداد کے باعث ڈپٹی چئیرمین کے پی سے لانے کا امکان ہے۔

وزیراعظم عمران خان سے چیئرمین سینیٹ نے بھی ملاقات کی، وزیراعظم نے صادق سنجرانی پر اعتماد کا اظہار کرتے ہوئے کہا حکومت اور تمام اتحادی آپ کے ساتھ کھڑے ہیں، پُراُمید ہوں کہ انشاء اللہ کامیابی آپ کی ہوگی۔

اپوزیشن جماعتوں کے اتحاد پاکستان ڈیموکریٹک موومنٹ نے چیئرمین سینیٹ کیلئے نومنتخب سینیٹر یوسف رضا گیلانی جبکہ ڈپٹی چیئرمین کیلئے عبدالغفور حیدری کو امیدوار نامزد کیا ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube