کشمیر کے زلزلے میں تباہ اسکول کا 15سال بعد افتتاح

SAMAA | - Posted: Mar 2, 2021 | Last Updated: 3 months ago
Posted: Mar 2, 2021 | Last Updated: 3 months ago
Neelum valley school

فوٹو: امیرالدین مغل

وادی نیلم کے گیٹ وے اور لائن آف کنٹرول کے قریبی علاقے پنجکوٹ میں 2005 زلزلے میں تباہ ہونے والے اسکول کی عمارت کو 15 برس بعد 28 برس کی پاکستانی نژاد برطانوی خاتون نے ذاتی پیسوں سے تعمیر کروا کر افتتاح کر دیا۔

گزشتہ روز مظفرآباد کے دور افتادہ گاؤں چیربن پنجکوٹ میں شیریں خان نے پرائمری اسکول کی اس عمارت کا افتتاح کیا جس کی مکمل تعمیر میں انہوں نے خطیر رقم کی معاونت کی تھی۔

افتتاحی تقریب سے خطاب کرتے ہوئے شیریں خان کا کہنا تھا کہ انکے والدین نے انکو بتایا تھا کہ جب آپ کمانے کے قابل ہو جاو تو پھر آپ کو لوگوں کی مدد کرنی ہوگی۔ کہ اس کے والد نے اس کو نصیحت کی تھی کہ وہ اپنے ملک میں لوگوں کی مدد کرے گی اس لیے اس نے اپنے لوگوں کی مدد کے لیے کام شروع کیا۔

Neelum Valley School

انہوں نے کہا کہ میری خواہش تھی کہ میں اپنے ملک میں تعلیم اور صحت کے میدان میں کچھ کروں تو اسی جذبے کے تحت مجھے مقامی نوجوانوں نے زلزلے سے متاثرہ اس اسکول کے بچوں کی تصاویر بھیجیں جس میں وہ کھلے آسمان تلے تعلیم حاصل کر رہے ہیں تو میں نے فیصلہ کیا کہ اپنی ذاتی جمع شدہ رقم اس اسکول کی تعمیر پر خرچ کرو‍ں گی۔

شیریں خان نے اس عزم کا اعادہ کیا کہ وہ آزاد کشمیر میں مزید اسکول بھی تعمیر کریں گی اور صحت کے شعبہ میں بھی مالی تعاون کریں گی۔

Neelum Valley School

افتتاحی تقریب کے بعد شرین خان نے کلاسوں کا معائنہ کیا اور بچوں میں تحائف تقسیم کیے۔

واضح رہے کہ اس دور افتادہ گاؤں چیربن پنجکوٹ میں تعمیر ہونے والا یہ پرائمری اسکول اس علاقے کے بچوں کے لیے واحد اسکول ہے جہاں انکو بنیادی تعلیم دی جاتی ہے۔ اسکول کے بچے 2005 کے بعد اب تک موسم کی سختیوں کے باوجود تعلیم حاصل تو کر رہے تھے مگر عمارت نہ ہونے کے باعث انکی تعلیم کا حرج ہو رہا تھا۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube