Monday, April 12, 2021 | 28 Shaaban, 1442
راول پنڈی: پتنگ کی ڈور سے ڈرون گر گیا
SAMAA |
Sadaqat Ali
Posted: Feb 27, 2021 | Last Updated: 1 month ago
فائل فوٹو
راولپنڈی ميں پتنگ بازی کو روکنے کیلئے مانيٹرنگ کرنے والا پوليس کا ڈرون کيمرا دھاتی ڈور کا شکار ہو کر گر پڑا۔
پتنگ بازی کی روک تھام کیلئے پولیس کی جانب سے ڈرون کيمروں کا استعمال کیا گیا تھا، تاہم جمعہ کے روز مانیٹرنگ کے دوران ڈرون کيمرہ دھاتی ڈور کی زد ميں گيا۔
ڈرون پر دھاتی ڈور اس زور کی لگی کہ کیمرہ زمین پر جا گرا۔ قبل ازیں ڈرون کیمرے کی مانیٹرینگ کے دوران متعدد پتنگ بازوں کو گرفتار، جب کہ پتنگیں اور ڈور برآمد کی گئیں۔ ان افراد کے خلاف تھانہ نیو ٹاؤن میں مقدمے کا اندارج کیا گیا۔
واضح رہے کہ راول پنڈی میں پولیس کی جانب سے موبائل گاڑیوں پر لگے اسپیکروں پر اعلانات کئے گئے تھے کہ پتنگ بازی کرنے والے گھروں ، پلازوں اور دکانوں کی چھتوں سے اتر جائیں، ورنہ اس کے خلاف کارروائی کی جائے گی۔
تاہم قانون نافذ کرنے والے اداروں کی جانب سے واضح ہدایت کے باوجود شہر میں دھاتی اور دیگر ڈور سے پتنگ بازی کا سلسلہ جاری ہے۔
One Comment
آپ کے تبصرے :
متعلقہ خبریں
ہم تبدیلی چاہتے ہیں لیکن خود کو تبدیل کرنا نہین چاہتے ملک خاک ترقی کرے گا جہاں پہ قانون کو نہیں مانتے افسوس کچھ تو کمی ہے ہمارے قانون میں