Tuesday, December 7, 2021  | 2 Jamadilawal, 1443

چھ سالہ بچی کا گال چومنےپر دکاندار کاڈنڈوں سےقتل

SAMAA | - Posted: Feb 19, 2021 | Last Updated: 10 months ago
SAMAA |
Posted: Feb 19, 2021 | Last Updated: 10 months ago

واقعہ لاسی گوٹھ میں پیش آیا

کراچی میں واقع لاسی گوٹھ میں ایک 6 سالہ بچی کو بوسہ دینے پر 50 برس کے دکاندار کو 5 افراد نے ڈنڈوں سے مار کر ہلاک کردیا۔

پولیس اور عینی شاہدین کے مطابق مذکورہ بچی جب عبدالحمید نامی دکاندار کی دکان پر چیز لینے آئی تو لڑکھڑا کر گرپڑی جس پر عبدالحمید نے اسے شفقت سے اٹھاتے ہوئے پیار کیا جس کے بعد وہ گھر واپس چلی گئی۔ تاہم کچھ دیر بعد بچی کے گھر کے 5 افراد دکان پر آئے اور عبدالحمید کو لاتوں اور ڈنڈوں سے مارنا شروع کردیا جس سے وہ بے سدھ  ہوکر گرپڑا اور تشدد سے بالآخر اس کی جان چلی گئی۔

مقتول کی بیوہ کا کہنا ہے کہ وہ کھانا تیار کرکے اپنے شوہر کا انتظار کر رہی تھی کہ کچھ لوگوں نے گھر آکر اسے بتایا کہ اس کے شوہر کو مار دیا گیا ہے۔ خاتون کا کہنا تھا کہ میرے شوہر کو لوگوں نے اپنی عدالت لگا کر بے گناہ مارا ہے، مجھے انصاف دلوایا جائے۔

مقتول کے بیٹے کا کہنا ہے کہ جب وہ بچی آئی اور پھر جب ان 5 افراد نے دکان پر آکر تشدد کرکے اس کے والد کو موت کے گھاٹ اتارا تب وہ دکان پر ہی موجود تھا۔ اس نے بتایا کہ اس کے والد کے قاتل دکان کے نزدیک ہی رہتے ہیں۔

پوليس نے ايک ملزم کو گرفتار کرکے مقدمہ درج کرليا ہے جبکہ مزيد ملزمان کی تلاش جاری ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube