Thursday, September 23, 2021  | 15 Safar, 1443

سرکاری ملازمین کے احتجاج کامسئلہ آج حل ہوجائیگا، شبلی فراز

SAMAA | - Posted: Feb 10, 2021 | Last Updated: 8 months ago
SAMAA |
Posted: Feb 10, 2021 | Last Updated: 8 months ago

ن لیگ اور پیپلزپارٹی نے خزانہ خالی نہیں چھوڑا

وزیر اطلاعات و نشریات شبلی فراز کا کہنا ہے کہ وزیراعظم سرکاری ملازمین کے مسائل حل کرنا چاہتے ہیں اور سرکاری ملازمین کے احتجاج کا مسئلہ آج حل ہوجائے گا۔

میڈیا سے گفتگو میں وزیر اطلاعات نے کہا کہ وزیراعظم نے تنخواہوں کے مسئلے کو فوری حل کرنے کی ہداہت کی ہے۔

انہوں نے ماضی کی حکومتوں پر الزام لگاتے ہوئے کہا ہے کہ ن لیگ اور پیپلزپارٹی نے ہمارے لیے خزانہ خالی نہیں چھوڑا ہے اور یہ آج کے مسائل انہی کی وجہ سے پیش آ رہے ہیں۔

شبلی فراز نے کہا کہ ماضی کی حکومتوں کے اقدامات کے باعث معیشت پر بوجھ پڑا اور ہم 30سالوں کے مسائل 30 مہینوں میں حل نہیں کرسکتے۔

اسلام آباد:سرکاری ملازمین کا احتجاج،پولیس کی شیلنگ،درجنوں گرفتار

وزیر اطلاعات کا کہنا تھا کہ روزگار کے مواقع پیدا کرنا حکومت کی ترجیح ہے اور ملکی معیشت کو درست سمت کی جانب گامزن کر دیا ہے۔

واضح رہے کہ اسلام آباد میں وفاقی ملازمین کا تنخواہوں اور مراعات میں اضافے کے خلاف احتجاج تشدد میں بدل گیا ہے۔ پولیس اور مظاہرین میں جھڑپوں کے باعث وزيراعظم ہاؤس اور سيکرٹريٹ جانے والا راستہ بند ہوگیا۔

تھانہ سیکریٹریٹ پولیس نے یونین کے7 رہنماؤں کو حراست میں لے لیا تھا جن میں مرکزی رہنماء رحمان باجوہ بھی شامل تھے۔ رہنماؤں کی گرفتاریوں پر ملازمین نے پاک سيکرٹريٹ مکمل بند کرنے کی کال دے دی تھی۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube