Friday, April 16, 2021 | 3 Ramadhan, 1442
وفاقی حکومت بھی عمرشیخ کی رہائی کیخلاف اپیل دائر کریگی
SAMAA |
Web desk
Posted: Jan 30, 2021 | Last Updated: 3 months ago
مرکزی ملزم عمر شیخ کی فائل فوٹو
وفاقی حکومت نے امریکی صحافی ڈینیئل پرل کے قتل کیس میں ملزم احمد عمر سیعد شیخ کی بریت کے خلاف اپیل دائر کرنے کا فیصلہ کیا ہے۔
احمد عمر سعید شیخ پر امریکی اخبار وال اسٹریٹ جرنال کے صحافی ڈینیئل پرل کے اغوا اور ذبح کرنے کا الزام ہے۔ ماتحت عدالت سے سزا پانے کے بعد سندھ ہائیکورٹ نے اپیل سن کر ملزم کی رہائی کا حکم دیا مگر حکومت ملزم کو رہا گرنے سے گریز کر رہی ہے۔ گزشتہ دنوں سپریم کورٹ نے بھی احمد عمر سعید شیخ کی رہائی کا حکم دیا۔
سندھ حکومت نے فیصلے پر نظر ثانی کیلئے سپریم کورٹ میں درخواست دائر کردی تھی۔ آج اٹارنی جنرل کی جانب سے جاری بیان میں کہا گیا ہے ک وفاقی حکومت نے بھی سندھ حکومت کی اپیل میں فریق بننے کا فیصلہ کیا ہے۔
اٹارنی جنرل کے مطابق وفاقی حکومت نظرثانی کی اپیلیں سننے کیلئے سپریم کورٹ سے لارجر بنچ تشکیل دینے کی درخواست کرے گی اور صوبائی حکومت کے ساتھ ملکر اس گھناؤنے جرم میں ملوث افراد کو پاکستان کے قانون کے مطابق انصاف کے کھٹہرے میں کھڑا کریں گے۔
متعلقہ خبریں
