Tuesday, March 9, 2021  | 24 Rajab, 1442
ہوم   > پاکستان

کے ایف سی اسٹاف اور فوڈپانڈا رائیڈرز کے مابین جھگڑا

SAMAA | - Posted: Jan 23, 2021 | Last Updated: 1 month ago
SAMAA |
Posted: Jan 23, 2021 | Last Updated: 1 month ago

Source: Eyewitness footage / Twitter

بحریہ ٹاؤن راولپنڈی کے فیز 7 میں واقع کے ایف سی کے عملہ اور فوڈ پانڈا کے رائیڈرز کے مابین جھگڑا ہوا ہے جس کی ویڈیو بھی سوشل میڈیا پر وائرل ہوگئی ہے۔

جمعہ کی رات گئے ایک سوشل میڈیا صارف نے اپنے ٹوئٹر اکاؤنٹ سے ویڈیو شیئر کرتے ہوئے لکھا کہ 2021 عجیب تر ہوتا جارہا ہے۔ ویڈیو میں دیکھا جاسکتا ہے کہ چند افراد ڈنڈوں سے حملہ آور ہورہے ہیں۔ فریقین کو ایک دوسرے پر ڈنڈے برساتے اور توڑ پھوڑ کرتے دیکھا جاسکتا ہے۔

جس شخص نے ویڈیو بنائی، اس نے سوشل میڈیا پر آنکھوں دیکھا حال بیان کرتے ہوئے کہا کہ فوڈ پانڈا کا رائیڈر آرڈر کے بعد 30 منٹ تک وہاں کھڑا رہا اور جب اس نے دوبارہ آرڈر کا پوچھا تو منیجر نے اس کے ساتھ بدتمیزی کی جس پر وہ وہاں سے چلا گیا اور اپنے دوستوں کو لیکر آگیا۔

کے ایف سی کے منیجر محمد ارسلان اسلم نے پولیس کو بیان دیا ہے کہ رائیڈر کو جب اسٹاف نے بتایا کہ آپ کا آرڈر انہیں ملا ہی نہیں جس پر وہ چلا گیا اور تھوڑی دیر بعد مزید دو افراد کو ساتھ لیکر آگیا۔

منیجر کے مطابق وہاں موجود لوگوں نے مداخلت کی تو وہ تینوں چلے گئے اور پھر کافی لوگوں کو ساتھ لیکر آگئے جن کے پاس ڈنڈے اور لوہے کے راڈ تھے۔ ان کے مطابق جھگڑے میں کے ایف سی کے تین ملازمین زخمی ہوگئے جن کو ڈسٹرکٹ ہیڈکوارٹر اسپتال میں طبی امداد دیکر فارغ کردیا گیا ہے۔

WhatsApp FaceBook

One Comment

  1. Danial zakirhussain  January 24, 2021 1:00 pm/ Reply

    Food panda ko badnaam kiya jarha haifoodpanda aik buhat hi achi service farhaam kr rha hai jiski wajah sy logon ko ghr bethay apni pasand ka khana mil raha hai wo bhi kuch hi minutes me

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube