Tuesday, March 9, 2021  | 24 Rajab, 1442
ہوم   > پاکستان

محمد بن زیدالنہیان کی نجی دورے پر پاکستان آمد

SAMAA | - Posted: Jan 23, 2021 | Last Updated: 1 month ago
SAMAA |
Posted: Jan 23, 2021 | Last Updated: 1 month ago

فوٹو: ساؤتھ چائنا مارننگ پوسٹ

متحدہ عرب امارات کے ولی عہد محمد بن زید النہیان نجی دورے پر پاکستان پہنچ گئے۔

میڈیا رپورٹس کے مطابق اماراتی ولی عہد محمد بن زید النہیان کے ہمراہ بحرین کے فرمارواں حماد بن عیسیٰ بن سلمان الخلیفہ بھی پاکستان کے نجی دورے پر پہنچے ہیں۔

دونوں عرب رہنما پاکستان میں قیام کے دوران بلوچستان کے علاقوں میں تلور کا شکار کریں گے۔ عرب رہنماؤں کے دورہ پاکستان کے دوران سرکاری سطح پر کوئی ملاقات شیڈول نہیں ہے۔

اس سے قبل گزشتہ سال دسمبر کے مہینے میں وفاقی حکومت نے بحرین کے بادشاہ شیخ حمد بن عیسیٰ بن سلمان الخلیفہ اور ان کے خاندان کے دیگر 5افراد کو بین الاقوامی سطح پر محفوظ نایاب پرندے تلور کے شکار کے خصوصی اجازت نامے جاری کیے تھے۔

ان اجازت ناموں کے جاری ہونے سے کچھ دن قبل دسمبر میں ہی متحدہ عرب امارات کے شاہی خاندان کے 11افراد تلور کے شکار کی غرض سے بلوچستان کے ضلع چاغی پہنچے تھے۔

واضح رہے کہ عرب شکاریوں کی جانب سے تلور کے شکار کے باعث دنیا میں اس نایاب پرندے تلور کی تعداد میں کمی آئی ہے، جسے نہ صرف عالمی تحفظ کے مختلف کنونشنز کے تحت تحفظ حاصل ہے بلکہ مقامی وائڈ لائف پروٹیکشن قوانین کے تحت اس کے شکار پر پابندی عائد ہے۔

یہاں یہ بات مدنظر رہے کہ پاکستانی شہریوں کو تلور کے شکار کی اجازت نہیں۔

WhatsApp FaceBook

One Comment

  1. Faizan  January 23, 2021 4:22 pm/ Reply

    Very bad

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube