ہوم
>
پاکستان
پی ایچ ڈی کیلئےایم ایس اورایم فل کی شرط ختم
SAMAA |
Farah Rabbani
Posted: Jan 20, 2021 | Last Updated: 2 months ago
چیئرمین ایچ ای سی طارق بنوری نےواضح کیاہےکہ 16سال کی تعلیم کےبعد پی ایچ ڈی میں داخلہ لیا جا سکتا ہے،پی ایچ ڈی میں ایم ایس اور ایم فل کی شرط ختم کردی ہے اوربی ایس کے بعد براہ راست پی ایچ ڈی میں داخلہ لے سکتے ہیں۔
بدھ کواسلام آباد میں چیئرمین ایچ ای سی طارق بنوری نے پریس کانفرنس کرتےہوئےانڈرگریجویٹ اورایم فل کی پالیسی کے بارے آگاہ کیا۔ انھوں نے کہا کہ ملک میں اس وقت ڈگری کی قدر پرشکوک وشبہات ہیں، تعلیم کا مقصد یہ ہونا چاہئے کہ جو کام کریں وہ کامیاب ہو۔
پی ایچ ڈی سے متعلق چیئرمین ایچ ای سی طارق بنوری کا کہنا تھا کہ پی ایچ ڈی میں بہت زیادہ شکایتیں آرہی تھیں تاہم اب ڈاکٹریٹ کی تعلیم کے لیےجامعات کو سختی سے عمل کرنا ہوگا۔ چیئرمین ایچ ای سی طارق بنوری نے واضح کیا کہ 16سال کی تعلیم کے بعد پی ایچ ڈی میں داخلہ لیا جا سکتا ہے،پی ایچ ڈی میں ایم ایس اور ایم فل کی شرط ختم کردی ہے اوربی ایس کے بعد براہ راست پی ایچ ڈی میں داخلہ لے سکتے ہیں۔
چیئرمین ایچ ای سی طارق بنوری کا کہنا تھا کہ یونیورسٹی سےنکلنے کےبعدطلبہ کونوکری کی تلاش میں مشکلات درپیش ہوتی ہیں۔ لوگوں کو پہلی تشویش یہ ہوتی تھی کہ ڈگری کی تعلیم میں پریکٹیکل کچھ نہیں ہوتا تھا تاہم اب ڈگری میں پریکٹیکل نصاب کو بھی شامل کیا گیا ہے۔
چیئرمین ایچ ای سی طارق بنوری نے زور دیا کہ ملک کی جامعات پر لازم کیا گیا ہے کہ وہ طلبہ کو انٹرن شپس کروائیں اور غیرنصابی سرگرمیوں کو فروغ دیں۔ اس کے علاوہ طلبہ کوانٹرپنرورشپ کی تعلیم بھی دی جانا چاہئے جس میں پریکٹیکل ورک کی شرط لازمی قرار دے دی گئی ہے۔
چیئرمین ایچ ای سی نے بتایا کہ سوشل سائنسزکےکورسزہرڈگری میں شامل کئے جائیں گے۔ پہلے کی بی اے اوربی ایس سی کی ڈگری کا نام ایسوسی ایٹ ڈگری ہے جبکہ ایسوسی ایٹ ڈگری بی اے اور بی ایس سی کا متبادل راستہ ہے۔
3 Comments
آپ کے تبصرے :
متعلقہ خبریں
EXPERIMENTS((practicals) MUST BE COMPULSORY.Ph.FOREIGN. EXAMINER SHIP MAY BE WAIVED. COMPETENT EXAMINERS MUST BE A[PPOIINTED.
NAMES OF SUPERVISORS OF Ph.D. BE WRITTEN ON THESIS AFTER EVALUATION OF THESIS. SORRY, NOT EOMPOSING IN A RIGHT WAY DUE TO TECHNICAL FAULT AT THIS END,
NAME OF Ph.D. supervisor on the thesis may be written on thesis after evaluation of the thesis.
کیا ایم اے یا ایم ایس سی کے بعد بھی پی ایچ ڈی میں داخلہ لیا جا سکے گا