Thursday, June 17, 2021  | 6 ZUL-QAADAH, 1442

پاکستان کومفت کروناویکسین مارچ تک ملنا شروع ہوگی، یاسمین راشد

SAMAA | - Posted: Jan 18, 2021 | Last Updated: 5 months ago
SAMAA |
Posted: Jan 18, 2021 | Last Updated: 5 months ago

Corona vaccine

وزیر صحت پنجاب ڈاکٹر یاسمین راشد کا کہا ہے کہ پاکستان کو مارچ تک عالمی ادارہ صحت کے کوویکس پروگرام کے تحت کرونا وائرس کی ویکسین کی فراہمی شروع ہوجائے گی۔

انڈیپینڈنٹ اردو سے گفتگو کرتے ہوئے وزیر صحت پنجاب ڈٓکٹر یاسمین راشد نے بتایا کہ عالمی ادارہ صحت کے کوویکس پروگرام کے تحت مارچ 2021ء تک پاکستان کی 20 فیصد آبادی کیلئے کرونا وائرس کی ویکسین کی فراہمی شروع ہوجائے گی، تاہم ابھی یہ واضح نہیں کہ ویکسین کس ملک اور کمپنی کی ہوگی۔

یاسمین راشد کا کہنا ہے کہ کوویکس ڈبلیو ایچ او کا پروگرام جس کے تحت ترقی پذیر ممالک کو ان کی 20 فیصد آبادی کیلئے مفت ویکسین دی جائے گی اور پاکستان بھی ان ممالک میں شامل ہے۔

یہ بھی پڑھیں : پاکستان میں پہلی کرونا ویکسین کی درآمد اوراستعمال کی اجازت

وزیر صحت پنجاب نے مزید کہا کہ پہلی سہ ماہی میں ویکسین کی فراہمی سے ہم ملک کی عمر رسیدہ آبادی اور ہائی رسک افراد کو ویکسین لگاسکتے ہیں، حکومت کی مختلف کمپنیوں سے بات چیت چل رہی ہے اور ہم کوشش کریں گے کہ کہ کوویکس کے ساتھ ساتھ حکومت بھی اسی سال ویکسین مہیا کرے۔

ان کا یہ بھی کہنا تھا کہ حکومت ویکسین کے حصول میں کامیاب ہوگئی تو تقریباً پوری آبادی محفوظ ہوسکتی ہے کیونکہ ہماری 60 فیصد آبادی جوان ہے اور کرونا ان پر اتنی برح طرح اثر انداز نہیں ہوتا۔

پاکستان نے آج (پیر کو) چین کی سائنو فارم ویکسین درآمد کرنے کی بھی اجازت دیدی، اس سے قبل برطانیہ کی ایسترا زینکا ویکسین کی امپورٹ کی بھی اجازت دی جاچکی ہے۔

مزید جانیے: ویکسین پرائیوٹ سیکٹرمنگوا رہا ہے، شہریوں کوپیسے دینا پڑیں گے

اس سے قبل وزیر صحت سندھ عذرا فضل پیچوہو نے ایک بیان میں کہا تھا کہ کرونا وائرس سے بچاؤ کی ویکسین پرائیویٹ سیکٹر منگوا رہا ہے، عوام کو اس کیلئے قیمت ادا کرنے پڑے گی۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube