Sunday, September 19, 2021  | 11 Safar, 1443

پاکستان میں پہلی کرونا ویکسین کی درآمد اوراستعمال کی اجازت

SAMAA | - Posted: Jan 16, 2021 | Last Updated: 8 months ago
SAMAA |
Posted: Jan 16, 2021 | Last Updated: 8 months ago

ڈرگ ریگولیٹری اتھارٹی نے پاکستان میں پہلی کرونا ویکسین کی درآمد اور استعمال کی اجازت دے دی۔ویکسین کی قیمت کا تعین حکومت کرے گی۔

ڈرگ ریگولیٹری اتھارٹی کے بورڈ اجلاس میں برطانیہ میں تیار ہونے والی آسٹرازنیکا ویکسین درآمد کرنے کی اجازت دی گئی ہے۔درآمد کے بعد ویکسین ملک میں استعمال کی جا سکے گی۔

واضح رہے کہ کرونا ویکسین درآمد کرنے کی اجازت کراچی کی دوا ساز کمپنی نے مانگی تھی۔اس ویکسین کی قیمت کا تعین حکومت کرے گی۔ آئندہ ڈریپ بورڈ اجلاس میں مزید 2 سے 3 ویکسین کی پاکستان درآمد کی اجازت متوقع ہے۔

مزید پڑھیے:پاکستان اُن ممالک سےویکسین لے گا جو جلدفراہمی یقینی بنائیںگے،فیصل سلطان

ادھراین سی او سی کے مطابق ملک میں کرونا کے ایکٹو کیسز کی تعداد 33 ہزار 763 ہے جبکہ صحت یاب ہونے والوں کی تعداد 4 لاکھ 72 ہزار 99 ہے۔

نیشنل کمانڈ اینڈ آپریشن سینٹرنےبتایا ہے کہ گزشتہ 24 گھنٹوں میں کرونا کے باعث سب سے زیادہ پنجاب میں 17 اموات ہوئیں۔ سندھ 14، خیبر پختون خوا 11، اسلام آباد اور بلوچستان میں 1 فرد کرونا کے باعث انتقال کرگئے۔

این سی او سی کےمطابق گزشتہ 24 گھنٹوں میں مزید 45 افراد کرونا وائرس کے باعث  انتقال کرگئے جبکہ 2 ہزار 432 افراد کرونا وائرس کا شکار ہوئے،42 ہزار 422 کرونا ٹیسٹ کئے گئے۔

این سی او سی کےمطابق ملک بھر میں کرونا وائرس کے کیسز کی تعداد 5 لاکھ 16 ہزار 770 ہوگئی اورمجموعی اموات کی تعداد 10 ہزار 908 ہوگئی ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube