Saturday, October 23, 2021  | 16 Rabiulawal, 1443

راجن پور ٹین بلین ٹری منصوبہ:لگائے گئے پودے سوکھنے لگے

SAMAA | - Posted: Jan 14, 2021 | Last Updated: 9 months ago
SAMAA |
Posted: Jan 14, 2021 | Last Updated: 9 months ago

پانی کی فراہمی نہ ہونے کے باعث نقصان

محکمہ جنگلات کی نا اہلی اور غفلت کے باعث راجن پور میں وزیر اعظم ٹین بلین ٹری منصوبے کے تحت لگائے گئے پودے سوکھنے لگے ہیں۔

تقریباً 800 ایکٹر پر 10لاکھ پودے لگانے کا ہدف تھا لیکن پودوں کو پانی کی فراہمی نہ ہونے کے باعث نقصان ہوا ہے۔ رکھ کوٹ مٹھن، رکھ کوٹلہ عیسن اور رکھ مرغائی میں اکثر پودے خشکی کا شکار ہونے لگے۔

محکمہ جنگلات کے ایک افسر نے نام ظاہر نہ کرنے پر بتایا کہ کرپٹ افسران فیول کی مد کروڑوں روپے نکلوا لیتے ہیں جبکہ اس دوران سولر پینل اسکیم بھی متعارف کرائی لیکن محکمہ جنگلات کے کرپٹ افسران نے اسے جان بوجھ کر ناکام بنایا کیونکہ سولر پینل اسکیم کامیاب ہونے کی صورت میں فیول کی مد میں ملنے والا کروڑوں روپے کا بجٹ رک جاتا ہے۔

افسر کے مطابق پودے سوکھیں گے تو نئی شجر کاری کے لیے نیا بجٹ اور فیول کی مد میں کروڑوں روپے ملیں گے جن سے محکمہ جنگلات کے ان کرپٹ افسران کی کرپشن کا سلسلہ جاری رہے گا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube