Wednesday, January 20, 2021  | 5 Jamadilakhir, 1442
ہوم   > پاکستان

پاکستان ڈیموکریٹک موومنٹ کولاہور جلسے کی اجازت دینے سے انکار

SAMAA | - Posted: Dec 1, 2020 | Last Updated: 2 months ago
SAMAA |
Posted: Dec 1, 2020 | Last Updated: 2 months ago

فوٹو : آن لائن

لاہور کی ضلعی انتظاميہ نے پاکستان ڈیمو کریٹک موومنٹ کو 13 دسمبر کے جلسے کی اجازت دينے سے انکار کرديا۔

پاکستان سمیت دنیا بھر میں کرونا وائرس کی دوسری لہر شدید تر ہوتی جارہی ہے، ملک بھر میں روزانہ کی بنیاد پر ڈھائی ہزار سے زائد کیسز رپورٹ ہورہے ہیں۔

مسلم لیگ ن، پیپلزپارٹی، جمعیت علمائے اسلام ف سمیت ملک کی 11 اپوزیشن جماعتوں پر مشتمل اتحاد پاکستان ڈیمو کریٹک موومنٹ نے حکومت کی جانب سے کرونا وائرس پھیلنے کے انتباہ کے باوجود 30 نومبر کو ملتان میں جلسہ کیا۔ مولانا فضل الرحمان نے سابق وزیراعظم یوسف رضا گیلانی کے ہمراہ پریس کانفرنس میں اگلا جلسہ 13 دسمبر کو لاہور میں کرنے کا اعلان کردیا۔

مزید جانیے : پی ڈی ایم کااگلا لائحہ عمل اسلام آبادمیں طےہوگا،فضل الرحمان

لاہور کی ضلعی انتظامیہ نے پاکستان ڈیمو کریٹک موومنٹ کو 13 دسمبر کو لاہور میں جلسے کی اجازت دینے سے انکار کردیا۔

ضلعی انتظامیہ کا کہنا ہے کہ مینار پاکستان پر کسی کو بھی جلسے کی اجازت نہیں ہے، کروناوائرس کے بڑھتے کیسز کی وجہ سے اجازت نہیں دی جاسکتی۔

نیشنل کمانڈ اینڈ آپریشن سینٹر نے کرونا وائرس سے بچاؤ کیلئے ملک بھر میں کئی پابندیاں عائد کر رکھی ہیں، مارکیٹیں، بازار اور پارکس مقررہ اوقات سے قبل ہی بند کردیئے جاتے ہیں جبکہ کسی بھی طرح کے مذہبی و سیاسی اجتماع پر بھی پابندی عائد ہے۔

پاکستان میں گزشتہ 24 گھنٹوں کے دوران 66 افراد کرونا وائرس کے باعث انتقال کر چکے ہیں جبکہ 2 ہزار 458 افراد میں مرض کی تصدیق ہوئی ہے، ملک بھر میں ایکٹو کیسز کی تعداد 50 ہزار سے تجاوز کرچکی ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube