ہوم
>
پاکستان
سیالکوٹ ائیرپورٹ پر یومیہ ہزاروں روپے بھیک لینےوالا بہروپیا پکڑاگیا
SAMAA |
Shahzad Ahmad
Posted: Nov 20, 2020 | Last Updated: 2 months ago
غیر ملکی کرنسی میں بھیک لیتا تھا
سیالکوٹ ایئر پورٹ پر بھیس بدل کر مسافروں سے بھیک میں غیر ملکی کرنسی وصول کرنے والا شخص پکڑا گیا۔
پٹرولنگ پوليس آفيسر کے مطابق اس شخص کو ایئر پورٹ پر آنے والے مسافروں سے بھیک مانگتے ہوئے دیکھا گیا۔
اس کی بھيک کی ڈيمانڈ بھی روپيہ نہيں بلکہ ڈالر اور يورو ہوتی اور اس کا ہدف خصوصاً ایسے مسافر ہوتے جو بیرون ملک سے پہنچے ہوں۔
اس شخص نے چہرے پر کالا رنگ مل کر اپنی رنگت سیاہ اور حلیہ میلا سا بنایا ہوا تھا تاہم جب اس کا منہ دھلوایا گیا تو چہرے کی سیاہی صاف ہوگئی اور اندر سے ایک ٹپ ٹاپ نوجوان نکلا۔
اس کے قبضے سے ڈالر اور یورو برآمد ہوئے۔ وہ روازنہ 6 سے 7 ہزار روپے بھيک جمع کرليتا تھا جو ماہانہ ایک لاکھ 80 ہزار روپے سے لے کر 2 لاکھ 10 ہزار روپے تک بن جاتے ہیں۔ پوليس نے اس بھکاری کی تصاویر بنائیں اور بعد ازاں معافی مانگنے پر پولیس نے اسے وارننگ دے کر چھوڑ دیا۔
متعلقہ خبریں
