ہوم
>
پاکستان
حالات خطرناک صورت اختیار کررہے ہیں،وزیرتعلیم پنجاب
SAMAA |
Daniyal Umer
Posted: Nov 19, 2020 | Last Updated: 2 months ago
وزیر تعلیم پنجاب مراد راس نے کہا ہے کہ کرونا وائرس کے باعث حالات خطرناک صورت اختیار کر رہے ہیں اور بہر حال صحت ہماری پہلی ترجیح ہے۔
لاہور میں پریس کانفرنس سے خطاب میں وزیر تعلیم پنجاب مراد راس کا کہنا تھا کہ ہم ہمشیہ سے چھٹیوں کے مخالف رہے ہیں، چھٹیوں سے متعلق اہم اجلاس کل 20 نومبر کو طلب کیا گیا ہے، تاہم صوبے بھر میں چھٹیاں دینے یا نہ دینے سے متعلق فیصلہ پیر 23 نومبر کو ہوگا۔
مراد راس کا مزید کہنا تھا کہ کرونا وائرس کے بڑھتے کیسز پر سخت فیصلے کرنے ہوں گے۔ حالات دوبارہ خراب ہو رہے ہیں، صحت پہلی ترجیح ہے۔ کرونا قانون سب کیلئے برابر ہوگا۔
انہوں نے کہا کہ ایس او پیز پر سب پرائیویٹ اسکولوں کو عمل درآمد کروانا ہوگا۔ کرونا پر حکومتی رٹ کو کوئی چیلنج نہیں کرسکتا۔ پرائیویٹ اسکول مرضی سے اسکول نہیں کھول سکیں گے۔ اگر اب بھی حالات کنٹرول نہیں ہوئے تو مسائل بڑھ سکتے ہیں۔
متعلقہ خبریں
