Sunday, January 16, 2022  | 12 Jamadilakhir, 1443

خواتین کے تحفظ کیلئے پہلا ویمن اسکواڈ تیار

SAMAA | - Posted: Nov 23, 2020 | Last Updated: 1 year ago
SAMAA |
Posted: Nov 23, 2020 | Last Updated: 1 year ago

پنجاب کے ضلع جھنگ میں زیادتی کے واقعات کی روک تھام اور خواتین کے تحفظ کے لیے پولیس کا پہلا وومن اسکواڈ تیار کیا گیا ہے۔

جھنگ میں خواتین کے تحفظ کے لیے دو ماہ کی خصوصی ٹریننگ کے بعد خواتین پولیس کا اسکواڈ تشکیل دیا گیا جو صرف شہر تک ہی محدود رہے گا۔ یہ خواتین موٹر سائیکل سوار بائيک دوڑا کر ہدف تک پہنچنا ہی نہیں بلکہ دور سے ہدف پر وار کرنا بھی جانتی ہيں۔

آر پی او راجہ رفعت مختار کا کہنا ہے کہ خواتین کو عموماً اپنے مسائل مرد پولیس والوں کو بتانے میں مشکل پیش آتی ہے تاہم اب جب یہ خواتین پولیس اہلکار گشت پرموجود ہوں گی تو وہ بآسانی انہیں مسئلہ بتا سکیں گی۔

ان کا مزید کہنا تھا کہ فی الوقت سوائے جھنگ کے خواتین اسپیشل اسکواڈ پنجاب کے کسی علاقے میں نہیں۔

دو ماہ کی ٹریننگ کے دوران خواتین پولیس اہلکاروں کو اسلحے کا استعمال بخوبی سکھایا گیا ہے تاکہ وہ خواتین کے تحفظ کے ساتھ اپنی حفاظت بھی کر سکیں۔

لیڈی پولیس کاعزم ہے کہ ویمن سیفٹی اسکواڈ کے قیام سے جھنگ کی خواتین کو مکمل تحفظ ملے گا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube