Wednesday, January 20, 2021  | 5 Jamadilakhir, 1442
ہوم   > پاکستان

پنجاب میں سرکاری ونجی دفاتر میں 50فیصد عملہ بلانے کاحکم

SAMAA | - Posted: Nov 23, 2020 | Last Updated: 2 months ago
SAMAA |
Posted: Nov 23, 2020 | Last Updated: 2 months ago

کرونا وائرس کے بڑھتے کیسز کے پیش نظر پنجاب حکومت نے تمام سرکاری اور نجی دفاتر میں عملہ فوری طور پر 50 فیصد تک محدود کرنے کا حکم دیدیا، 31 جنوری تک باقی عملہ گھروں سے کام کرے گا۔

دنیا بھر کی طرح پاکستان میں بھی کرونا وائرس کی دوسری لہر شدت اختیار کرتی جارہی ہے۔ این سی او سی نے ملک بھر میں 26 نومبر سے تمام تعلیمی ادارے بند کرنے کا فیصلہ کرلیا، تمام امتحانات بھی ملتوی کردیئے گئے۔

پنجاب حکومت نے کرونا وائرس کے بڑھتے ہوئے کیسز پر قابو پانے کیلئے صوبہ بھر کے سرکاری اور نجی دفاتر میں فوری طور پر سخت اقدامات اٹھانے کا فیصلہ کیا ہے۔

سیکریٹری ہیلتھ کیئر کے مطابق پنجاب حکومت نے سرکاری اور نجی دفاتر میں 50 فیصد عملے کو دفاتر بلانے اور باقی کو گھروں سے کام کرنے کا حکم دیدیا۔

سیکریٹری ہیلتھ کیئر محمد عثمان کا کہنا ہے کہ کرونا وائرس کے ممکنہ پھیلاؤ کے باعث دفاتر میں محض 50 فیصد عملہ ہی بلائیں، دفاتر میں آنیوالے ایس اوپیز پر سختی سے عملدرآمد کو یقینی بنائيں، احتیاط نہ کرنے سے وائرس کے پھیلاؤ میں تیزی آسکتی ہے۔

سیکریٹری پرائمری اینڈ سیکنڈری ہیلتھ کیئر پنجاب نے عملے کو 50 فیصد تک محدود کرنے کا نوٹیفکیشن بھی جاری کردیا، جس کے مطابق 31 جنوری تک 50 فیصد عملہ گھر سے کام کرنے کی پالیسی پر عمل کرے گا۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube