Friday, October 23, 2020  | 5 Rabiulawal, 1442
ہوم   > پاکستان

عجب کرپشن: 30 ہزار ٹرکوں کو موٹرسائیکل کے نمبر جاری

SAMAA | - Posted: Sep 24, 2020 | Last Updated: 4 weeks ago
Posted: Sep 24, 2020 | Last Updated: 4 weeks ago

اینٹی کرپشن حکام سرگرم

پنجاب کے محکمہ اينٹی کرپشن نے گاڑیوں کی جعلی رجسٹریشن کی مد میں اربوں روپے کے فراڈ کا سراغ لگا لیا۔ ایکسائز اینڈ ٹیکسیشن کے افسران پرائیویٹ ایجنٹس سے مل کر جعل سازی کرتے رہے۔ تین افسروں کے خلاف مقدمہ درج کر لیا گیا ہے۔

حکومت پنجاب کے محکمہ ایکسائز اینڈ ٹیکسیشن کے تین افسران نے ایجنٹ مافیا کی ملی بھگت سے بوگس ووچرز پر گاڑیاں رجسٹر کیں اور یہاں تک موٹرسائیکل کے نمبروں پر ٹرک چلوا دیے۔

ترجمان اینٹی کرپشن کے مطابق ایکسائز افسران پرائیویٹ ایجنٹوں کو جعلی ووچرز پر گاڑیوں کی رجسٹریشن بکس جاری کرتے رہے اور ایجنٹس نے چیسز نمبر پنچ کرا کے بسیں اور لوڈر گاڑیاں تیار کرائیں۔

اینٹی کرپشن نے 465 گاڑیوں کی نشاندہی کردی اور ساتھ 30 ہزار کے لگ بھگ لوڈر گاڑیوں کا مارکیٹ میں موجود ہونے کا دعوی بھی کردیا۔

ترجمان اینٹی کرپشن وقارعظیم کا کہنا ہے کہ تینوں افسران نے ایجنٹس کے ساتھ مل کر اپنے اختیارات کا ناجائز استعمال کیا اور انہیں فائدہ پہنچایا۔

اینٹی کرپشن حکام کے مطابق موٹرسائیکلوں کے نمبر پر کمپیوٹرائزڈ ریکارڈ میں لوڈر ٹرک چل رہے ہیں۔ مقدمے میں نامزد ایکسائز اینڈ ٹیکسیشن کے تین افسروں کو جلد گرفتار کرلیا جائے گا۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube