ہوم
>
پاکستان
کراچی میں گرمی کیوں بڑھ رہی ہے؟
SAMAA |
Shayan Saleem
Posted: Aug 19, 2020 | Last Updated: 7 months ago
اے سی ماحول کیلئے مشکل کا سبب بن رہے ہیں۔
کراچی میں لاکھوں ایئرکنڈیشن گرمی بڑھانے کا سبب بننے لگے۔ گرمی کا زور کم کرنے کے لئے شہری ہزاروں روپے خرچ کرکے اے سی خرید کر گھرکوٹھنڈا تو کرلیتے ہیں مگر یہ اے سی ماحول کیلئے مشکل کا سبب بن رہے ہیں۔
کراچی میں ہزاروں رہائشی عمارتیں قائم ہیں۔ یہاں موجود درجنوں فليٹس اور مکانات میں لاکھوں ائیرکنڈیشنر نصب ہیں۔
ماہرماحولیات ڈاکٹرظفراقبال شمس نےبتایا ہے کہ پہلےگھروں ميں سامنےاورپيچھےکی طرف کھلی جگہ چھوڑی جاتی تھی تاہم اب ایسا نہیں دکھائی دے رہا۔
دنیا بھرمیں اے سی اور فریج سمیت ٹھنڈک حاصل کرنےوالے آلات میں ڈالنےوالی ہائیڈرو فلوروگیس کے ماحول پرگرمی بڑھنے کی صورت میں نقصانات سامنے آرہےہیں۔ پاکستان اس کيميکل گيس استعمال کرنےوالوں کی فہرست ميں نماياں نمبر پر نہيں ليکن کراچی ميں برادشت سے باہر ہوتی گرمی میں اس گيس کا بھی کچھ کردار ہے۔
ڈاکٹرظفراقبال شمس نے مزید بتایا کہ قدرتی ماحول کوبچانےکيلئےپودےاوردرخت لگانےکاکلچرختم ہورہا ہے۔ ماہرین کہتےہیں کہ موسمیاتی تبدیلی اپنی جگہ مگرشہروں میں درجہ حرارت بڑھنےکی بڑی وجہ خود انسان کےاپنےکام ہيں۔ ماحول دوست سرگرمیوں سے اربن ہیٹ آئی لینڈ ایفکٹ سے کچھ حدتک بچاجاسکتاہے۔
One Comment
آپ کے تبصرے :
متعلقہ خبریں
100%right