Monday, August 10, 2020  | 19 Zilhaj, 1441
ہوم   > پاکستان

اشتہارات میں کمیشن کا الزام:اجمل وزیر عہدے سے فارغ

SAMAA | - Posted: Jul 11, 2020 | Last Updated: 1 month ago
SAMAA |
Posted: Jul 11, 2020 | Last Updated: 1 month ago

وزیراعظم عمران خان کے حکم پر مشیر اطلاعات خیبر پختونخوا اجمل وزیر کو عہدے سے ہٹا دیا گیا ہے۔

وزیراعظم عمران خان نے مبینہ آڈیو ریکارڈنگ سامنے آنے پر مشیر اطلاعات خیبر پختونخوا اجمل وزیر کو عہدے سے فوری طور پر ہٹانے کا حکم دے دیا، جس کے بعد معاون خصوصی کامران خان بنگش کو محکمہ اطلاعات کا قلمدان سونپ دیا گیا ہے۔

اجمل وزیر کو عہدے سے ہٹانے کا اعلامیہ بھی جاری کردیا گیا ہے۔ اجمل وزیر کی جگہ معاون خصوصی کامران خان بنگش کو محکمہ اطلاعات کا قلمدان دے دیا گیا ہے۔

واضح رہے کہ اجمل وزیر کی کمیشن لینے کے حوالے سے آڈیو ریکارڈنگ منظر عام پر آئی تھی۔

ریکارڈنگ کے دوران اجمل وزیر اور اشتہاری ایجنسی کے مالک کے درمیان کمیشن کی ڈیل ہوئی تھی، آڈیو سامنے آنے پر وزیراعظم عمران خان نے تمام ثبوتوں کے بعد اجمل وزیر کو ہٹانے کا حکم دیا۔

دوسری جانب وزیراعلیٰ خیبر پختونخوا نے چیف سیکریٹری کو معاملے کی تحقیقات کا حکم بھی دے دیا۔

نئے مشیر اطلاعات کامران بنگش کا کہنا ہے تمام معاملات سے وزیراعظم عمران خان کو بھی مطلع کردیا گیا ہے۔ اُن کا کہنا ہے کہ اشتہاری ایجنسی سے کمیشن لینے کی کچھ چیزیں سامنے آئی ہیں جس کی فرانزک تحقیقات کی جائیں گی۔

خیبر پختونخوا کے انتظامی محکمے نے ہفتے کو دو علیحدہ علیحدہ اعلامیے جاری کیے ہیں۔ ایک اعلامیے میں اجمل وزیر کی جگہ کامران بنگش کو اضافی ذمے داریاں دینے سے متعلق ہے جب کہ دوسرے اعلامیے میں اجمل وزیر کے خلاف تحقیقات شروع کرنے سے متعلق احکامات درج ہیں۔

واضح رہے کہ اجمل وزیر کا تعلق جنوبی وزیرستان سے ہے اور ان کا شمار پاکستان تحریک انصاف کے سابق مرکزی سیکریٹری جنرل جہانگیر ترین کے قریبی ساتھیوں میں ہوتا ہے۔ حالیہ عرصے میں صوبہ خیبرپختونخوا کی حکومت کو ترقیاتی منصوبوں بشمول میٹرو بس منصوبے کی تکمیل میں تاخیر پر تنقید کا بھی سامنا رہتا ہے۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube