Sunday, August 9, 2020  | 18 Zilhaj, 1441
ہوم   > پاکستان

مویشی منڈی کے قریب غیرقانونی چیک پوسٹ دوبارہ قائم

SAMAA | - Posted: Jul 2, 2020 | Last Updated: 1 month ago
Posted: Jul 2, 2020 | Last Updated: 1 month ago

بیوپاریوں سے کروڑوں بٹورنے کا سلسلہ جاری

کراچی میں مویشی منڈی کے قریب غیرقانونی چیک پوسٹ ایک بار پھر بن گئی جہاں مویشیوں کو ہیلتھ سرٹیفکیٹ دینے کے نام پر تاجروں اور عوام سے کروڑوں روپے بٹورے جارہے ہیں۔

شہریوں کو ایک اور فراڈ سے بچانے کے لئے ٹیم سما نے سپرہائی وے کا رخ کیا جہاں پنجاب اور سندھ سے مویشی منڈی میں فرخت کے لئے جانور لانے والے بیوپاریوں کو لوٹنے کا سلسلہ جاری ہے۔

سپرہائی وے لکی سمنٹ کے قریب جیسے ہی مویشی سے بھرا ٹرک آیا۔ سڑک کے کنارے پر کرسی لگائے شخص نے ٹرک ڈرائیور کو سائڈ میں لگانے کا اشارہ کیا جب سما کی ٹیم پہنچی تو کچھ لوگوں نے موٹرسائیکل اسٹار کی اور روانہ ہوگئے۔

ٹیم سماء کے اصرار کرنے پر یہاں موجود عملہ کیمرے پر ٹھیکے کے دستاویزات دکھانے پر تو رضا مند ہوا مگر واپس خالی ہاتھ ہی آیا۔ چوکی پر ہیلتھ کلیرنگ سرٹیفکیٹ کے نام پر فی جانور 150 روپے وصول کیے جارہے ہیں لیکن نہ جانے یہاں موجود ڈاکٹرز کے پاس کیسی جادوئی طاقت ہے کہ وہ دور سے دیکھ کر ہی جانور کو صحت مند قرار دے دیتے ہیں۔

منڈی میں آنے والے بیوپاری بھی اس چال بازی سے بہت پریشان ہیں۔ یہاں گزشتہ سال بھی یہی چیک پوسٹ لگائی گئی تھی جس سندھ کے محکمہ اینٹی کرپشن نے چھاپہ مارکر متعدد افراد کو حراست میں لیا تھا۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube