Saturday, July 11, 2020  | 19 ZUL-QAADAH, 1441
ہوم   > پاکستان

گاڑی کیساتھ کتے کو باندھ کر گھسیٹنے والا ڈرائیور گرفتار

SAMAA | - Posted: Jun 4, 2020 | Last Updated: 1 month ago
SAMAA |
Posted: Jun 4, 2020 | Last Updated: 1 month ago

سندھ پولیس نے گاڑی کے ساتھ کتے کو باندھ کر بھاگنے والے ڈرائیور کو گرفتار کرلیا۔ مذکورہ شخص کی ویڈیو سوشل میڈیا پر وائرل ہوئی تھی۔

اے آئی جی پی آپریشنز ڈاکٹر اسد ملحی کے مطابق سوشل میڈیا پر وائرل ہونے والے ویڈیو پر ایکشن لیتے ہوئے سندھ پولیس نے مذکورہ شخص کو گرفتار کرلیا ہے۔

ڈرائیور کے خلاف کارروائی فیروزآباد پولیس کی جانب سے کی گئی، جب کہ گاڑی کے ڈرائیور کے خلاف مقدمہ بھی درج کرلیا گیا ہے۔ ڈرائیور کی جانب سے اس غیر اخلاقی حرکت کی وجہ سامنے نہ آسکی۔

ڈرائیور نے کتے کو ایک ٹانگ سے گاڑی کے ساتھ رسی سے باندھا ہوا تھا اور اس تیزی سے گاڑی چلا رہا تھا کہ کتا جانبر نہ ہوسکا اور اسی حالت میں مر گیا۔ ڈرائیور کو اس پر بھی بے جان جانور کا خیال نہ آیا اور وہ گاڑی چلاتا رہا۔

ویڈیو منظر عام پر آنے کے بعد فیروز آباد پولیس نے گاڑی کو تلاش کیا اور گاڑی ملنے پر اسے سیز بھی کردیا۔ واقعہ پر سوشل میڈیا صارفین کی جانب سے بھی سخت تنقید کی گئی اور مذکورہ شخص کو فوری گرفتار کرنے کی اپیل کی گئی تھی۔

واقعہ کراچی کے علاقے بہادر آباد کے سراج الدولہ روڈ پر واقع عالمگیر مسجد کے قریب دن 12 بجے پیش آیا تھا۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube