Thursday, December 3, 2020  | 16 Rabiulakhir, 1442
ہوم   > پاکستان

کرونا کاشکار نرس کا نجی اسپتال کیخلاف کارروائی کا مطالبہ

SAMAA | - Posted: Apr 1, 2020 | Last Updated: 8 months ago
SAMAA |
Posted: Apr 1, 2020 | Last Updated: 8 months ago

علاج کے بجائے چھٹی پر جانے کا مشورہ دیا

پشاور میں کررونا وائرس سے متاثرہ نرس نے الزام عائد کیا ہے کہ ٹیسٹ رپورٹ مثبت آںے کے بعد اسپتال نے انہیں بے یارومددگار چھوڑ دیا پے جبکہ اسپتال انتظامیہ نے نرس کے الزامات کی تردید کردی ہے۔

چترال سے تعلق رکھنے والی ارم بی بی  گزشتہ ایک سال سے پشاور کے معروف نجی اسپتال نارتھ ویسٹ جنرل اسپتال) میں اسٹاف نرس کی ملازمت کررہی ہے۔ اسپتال نے اس کی ڈیوٹی کرونا وائرس اسکرینگ سیکشن پر لگائی تھی۔

سماء ڈیجیٹل کو ارسال کی گئی ویڈیو میں متاثرہ نرس نے الزام لگایا طبیعت بگڑنے پرجب اسپتال انتظامیہ کو بتایا تو انہوں نے ٹیسٹ کروانے کی بجائے الٹا بغیر تنخواہ چھٹی پر جانے کا مشورہ دیا۔

ارم بی بی نے بتایا کہ وہ اسپتال کے سی ای او کے پاس بھی گئی مگر انہوں نے بھی وہی مشورہ دیا۔ جس پر میں اپنا ٹیسٹ کروانے چلی گئی۔ جب ٹیسٹ مثبت آیا تو اسپتال انتظامیہ نے مجھے گیٹ پر روک دیا جس پر میں نے شور شرابہ کیا تو انتظامیہ نے ایمبولنس میں مجھے حیات آباد میڈیکل کمپلیکس بھیج دیا۔

متاثرہ نرس نے صوبائی حکومت سے نجی اسپتال کے خلاف ایکشن لینے کا مطالبہ کیا اور کہا کہ اگر مجھے کچھ ہوا تو نجی اسپتال ذمہ دار ہوگا۔ انہوں نے دیگر اسٹاف کے ٹسٹ کروانے کا بھی مطالبہ کیا کیونکہ اسے خدشہ ہے کہ وائرس کی وجہ سے دیگر طبی عملہ بھی متاثرہوسکتا ہے

دوسری جانب اسپتال انتظامیہ نے اس الزام کی تردید کرتے ہوئے بتایا کہ متاثرہ نرس کی اپنی مرضی کے مطابق ان کو حیات آباد میڈیکل کمپلیکس منتقل کردیا گیا تھا۔ نجی اسپتال کی انتظامیہ نے یہ بھی واضح کردیا کہ نرس ارم بی بی کی صحتیابی کے بعد وہ اپنی ڈیوٹی پر آئیں گی اور اس کی تنخواہ بھی ادا کردی  جائے گی۔

واضح رہے کہ کرونا وائرس کی وجہ سے اب تک خیبرپختونخوا  میں 2 نرسز کے ٹسٹ پازیٹیو آچکے  ہیں جبکہ 8 مزید نرسیں مشتبہ مریضوں میں شامل ہیں۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube