Saturday, October 31, 2020  | 13 Rabiulawal, 1442
ہوم   > پاکستان

لڑکی بن کر نوجوان کو اغوا کرنے والے اغواکار گرفتار

SAMAA | - Posted: Feb 7, 2020 | Last Updated: 9 months ago
SAMAA |
Posted: Feb 7, 2020 | Last Updated: 9 months ago

مغوی بازیاب

سندھ کے ضلع کندھکوٹ میں پولیس نے کارروائی کرتے ہوئے مغوی نوجوان کو بازیاب کرکے 3 اغواکاروں کو گرفتار کرلیا۔ ملزمان نے لڑکی بن کر نوجوان کو ورغلاکر اغوا کیا تھا۔

پولیس کے مطابق وزیرستان سے تعلق رکھنے والا نوجوان نعمت اللہ کشمور میں محنت مزدوری کرتا تھا۔ اس کو فون پر اغواکاروں نے لڑکی بن کر ورغلایا اور ملاقات کیلئے بلاکر اغوا کرلیا۔

پولیس نے خفیہ اطلاع پر ایس ایس پی کشمور کی سربراہی میں کندھکوٹ کے علاقہ کچے کے درانی مہر گاؤں میں کارروائی کرتے ہوئے نعمت اللہ کو بازیاب کرلیا اور تین اغواکاروں کو گرفتار کرکے اسلحہ بھی برآمد کرلیا۔

تھانہ درانی مہر کے ایس ایچ او وکیل جعفری نے بتایا کہ ہمیں خفیہ اطلاع ملی کہ اغواکار مغوی کو دوسری جگہ منتقل کر رہے ہیں جس پر پولیس نے آپریشن کا فیصلہ کیا اور ڈاکوں کے ساتھ مقابلہ بھی ہوا جس کے نتیجے میں مغوی بازیاب اور ملزمان گرفتار ہوگئے۔

ایس ایچ او کے مطابق گرفتار ملزمان پہلے سے مختلف تھانوں کو اغوا اور ڈکیتی سمیت مختلف سنگین مقدمات میں مطلوب تھے۔

بازیاب ہونے والے نوجوان نعمت اللہ نے بتایا کہ ملزمان نے لڑکی بن کر دوستی کی اور ملاقات کیلئے غوثپور بلایا۔ جب متعلقہ مقام پر پہنچا تو 3 افراد نے اسلحہ تان کار گاڑی میں ڈالا اور نامعلوم مقام پر لے گئے۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube