Friday, September 18, 2020  | 29 Muharram, 1442
ہوم   > پاکستان

جوکچھ لاہور میں ہوا اس پرافسوس ہے، چیف جسٹس

SAMAA | - Posted: Dec 12, 2019 | Last Updated: 9 months ago
SAMAA |
Posted: Dec 12, 2019 | Last Updated: 9 months ago

سپریم کورٹ میں مقدمات کی سماعت کے دوران لاہور میں پی آئی سی پر وکلاء کے حملے کا تذکرہ ہوا۔ چیف جسٹس آصف سعید کھوسہ نے کہا کہ کل جو کچھ لاہور میں ہوا اُس پر ہمیں بہت افسوس ہے۔

بلوچستان حکومت کے ملازمین سے متعلق کیس کی سماعت کے دوران چیف جسٹس نے کہا کہ اداروں کو مضبوط کرنا ہے لیکن پی آئی سی واقعے سے پوری کمیونٹی کو ضرب لگی ہے۔

بنی گالہ تجاوزات سے متعلق کیس میں عدالتی استفسار پر سی ڈی اے کے ممبر پلاننگ نے بتایا کہ4  ارب روپے کی لاگت سے 3 سیوریج ٹریٹمنٹ پلانٹس پر کام شروع کردیا گیا ہے۔ بنی گالہ میں انٹرنل سیوریج نیٹ ورک بنارہے ہیں۔ اسلام آباد کے ماسٹر پلان پر نظرثانی میں 6 سے 8 ماہ کا وقت لگ سکتا ہے۔ عدالتی احکامات کو مدنظررکھا جائے گا۔

جسٹس عمر عطا  بندیال نے ریمارکس دئیے کہ ماسٹر پلان سے متعلق ہم نے رائے دی ہے۔ حکم نہیں۔ اپنا ذہن استعمال کریں یہ نہ ہو کہ پانی نالہ کورنگ کے ذریعے راول جھیل میں چلا جائے۔ ماحول کی بہتری کیلئے بہترین اقدامات کئے جائیں۔

جسٹس عمر عطا  بندیال نے کہا کہ سی ڈی اے بنی گالا میں موجود عمارتوں کو ریگولرائز کرے۔ ایسا نہ ہو کہ چک شہزاد والا حال بنی گالہ میں بھی ہوجائے۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube