Wednesday, January 19, 2022  | 15 Jamadilakhir, 1443

موبائل فون پر دوستی نوجوان کو مہنگی پڑگئی

SAMAA | - Posted: Dec 9, 2019 | Last Updated: 2 years ago
SAMAA |
Posted: Dec 9, 2019 | Last Updated: 2 years ago

کبیر والہ میں ایک نوجوان رانگ کال ریسیو کرکے محبت میں مبتلا ہوا اور پھر بالآخر اغوا کاروں کے ہتھے چڑھ گیا۔

پولیس کے مطابق جاوید نامی نوجوان کو چند روز پہلے ایک لڑکی کی رانگ کال موصول ہوئی اور دیکھتے ہی دیکھتے ان دونوں کی دوستی ہوگئی۔

بات جلد ہی ملاقات تک پہنچ گئی جس کے لئے لڑکی نے جاوید کو کبیروالہ سے خانیوال بلوایا، جہاں وہ اُسے ایک مکان میں لے گئی لیکن وہاں پلان کے مطابق پہلے ہی سے کچھ جرائم پیشہ افراد موجود تھے جنہوں نے پہلے نوجوان پر خاصا تشدد کیا اور پھر اس کے گھر والوں کو فون کرکے 10 لاکھ روپے تاوان کا مطالبہ کردیا۔

جاوید کے رشتہ داروں نے تھانہ سٹی پولیس سے رابطہ کیا جس پر ایک کامیاب چھاپے کے نتیجے میں نوجوان کو باحفاظت برآمد کرتے ہوئے لڑکی سمیت چار دیگر ملزمان کو بھی گرفتار کرلیا۔

ملزمان نے اعتراف کیا کہ وہ ایسی ہی ترکیب کے ذریعے شہریوں کو پیار کے چکر میں پھنساتے اور پھر ان کو بلا کر پکڑ لیا کرتے تھے، ملزمان شہریوں کو زنا کے مقدمات میں ملوث کرادینے یا پھر قتل کی دھمکیاں دے کر ان سے لاکھوں روپے بٹور لیا کرتے تھے۔

یہاں یہ بات بھی قابل ذکر ہے کہ متاثرہ نوجوان نے کچھ عرصہ قبل اپنا مکان 20 لاکھ میں فروخت کیا تھا، پولیس نے ملزمان کے خلاف قانونی کارروائی کا آغاز کردیا۔

 
WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube