Saturday, October 31, 2020  | 13 Rabiulawal, 1442
ہوم   > پاکستان

پشاور: پولیس کی کارروائی،افغان خاتون دہشتگرد گرفتار

SAMAA | - Posted: Dec 4, 2019 | Last Updated: 11 months ago
SAMAA |
Posted: Dec 4, 2019 | Last Updated: 11 months ago

دھماکاخیزمواد بھی برآمد

پشاور میں پولیس نے بڑی کارروائی کرتے ہوئے خاتون دہشت گرد کو گرفتار کرلیا۔ گرفتار خاتون دہشت گرد کے قبضے سے بارودی مواد بھی برآمد کرلیا گیا۔

ایس ایس پی سٹی شعیب خان کی جانب سے پریس کانفرنس میں بتایا گیا ہے پولیس نے بروقت کارروائی کے دوران خاتون دہشت گرد کو گرفتار کیا ہے، جس کا تعلق افغانستان سے ہے۔

دہشت گرد کو حاجی کیمپ پشاور اڈہ سے گرفتار کیا گیا۔ خاتون نے لاہور جانے والی گاڑی کا ٹکٹ بھی کٹوا لیا تھا اور گاڑی میں بیٹھی سواری کے چلنے کا انتظار کر رہی تھی۔

پولیس کے مطابق خاتون کو خفیہ اطلاعات پر ملنے والی معلومات کے ذریعے بروقت گرفتار کیا گیا۔ خاتون لاہور اور پشاور میں دہشت گردی کی کارروائی کیلئے بارودی مواد منتقل کر رہی تھی۔

خاتون کی نشاندہی پر مزید 4 افراد کو بھی گرفتار کیا گیا ہے، جو اس منصوبہ بندی کا حصہ اور افغان شہری ہیں۔ اس گروپ کو افغانستان سے چلایا جا رہا تھا۔

دہشت گرد عوامی مقام کو نشانہ بنانا چاہتے تھے۔ گرفتار دہشت گرد خاتون اور دیگر ساتھیوں کو مزید تفتیش کیلئے محکمہ انسداد دہشت گردی ( سی ٹی ڈی) کے حوالے کردیا گیا، جب کہ بم ڈسپوزل اسکواڈ نے بارودی مواد کو ناکارہ بنا دیا۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube