Wednesday, August 5, 2020  | 14 Zilhaj, 1441
ہوم   > پاکستان

وزیراعظم کیخلاف توہین عدالت کی درخواست ناقابل سماعت قرار

SAMAA | - Posted: Nov 26, 2019 | Last Updated: 8 months ago
SAMAA |
Posted: Nov 26, 2019 | Last Updated: 8 months ago

اسلام آباد ہائی کورٹ نے وزیراعظم عمران خان کےخلاف دائر توہین عدالت کی درخواست ناقابل سماعت قرار دے دی۔

عدالت نے درخواست مسترد کرتے ہوئے کہا کہ منتخب وزیر اعظم کیخلاف توہین عدالت کی کارروائی نہیں کر سکتے جبکہ شک کا فائدہ ہمیشہ پاکستانی عوام کے نمائندوں کے حق میں جانا چاہیئے۔

اسلام آباد ہائی کورٹ نے درخواست کے قابل سماعت ہونے پر آج صبح فیصلہ محفوظ کیا تھا۔

اس سے قبل چیف جسٹس اطہر من اللہ نے درخواست گزار سلیم اللہ خان سے استفسار کیا تھا کہ آپ کو وزیراعظم کی تقریر سے کیا پریشانی ہے؟ درخواست گزار نے موقف اپنایا کہ وزیراعظم نے عدلیہ کی تضحیک کی۔ چیف جسٹس نے کہا کہ عدالتیں تنقید کو ویلکم کرتی ہیں، جس پر درخواست گزار نے موقف دیا کہ تنقید اور تضحیک میں فرق ہوتا ہے۔ جسٹس اطہر من اللہ نے کہا کہ توہین عدالت فرد اورعدالت کے درمیان ہوتی ہے۔

درخواست گزار نے بتایا کہ میں آفیسر آف دی کورٹ ہوں اور عدالت کو آگاہ کر رہا ہوں۔ چیف جسٹس نے ریمارکس دیے کہ آپ نے توہین عدالت کا کل والا فیصلہ پڑھا ہے؟ اس میں توہین عدالت کے حوالے سے اصول طے کر دیئے ہیں۔ پہلے آگاہی نہیں تھی ابھی تو توہین عدالت کے حوالے سے آگاہی بھی ہوگئی ہے۔ کیا آپ منتخب وزیراعظم کا ٹرائل کرانا چاہتے ہیں؟ کیا آپ اس کے نتائج سے آگاہ ہیں؟

گزشتہ روز سابق آئی جی سلیم اللہ خان کی جانب سے دائر درخواست میں موقف اپنایا گیا تھا کہ وزیراعظم نے اپنی 18 نومبر کی تقریر میں توہین عدالت کےساتھ عدلیہ کو متنازعہ بنانے کی بھی کوشش کی۔ توہین عدالت کا الزام اُن کی تقریر کے متن سے واضح ہے۔

درخواست کےساتھ وزیراعظم عمران خان کی تقریر کی ریکارڈِنگ اور ٹرانسکرپٹ بھی عدالت میں جمع کرایا گیا ہے جبکہ عمران خان کیخلاف توہین عدالت کی کارروائی کی استدعا کی گئی۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
Contempt of court, PM Imran Khan, pti, Islamabad High Court, Athar Minallah, politics
 
 
 
مقبول خبریں
مقبول خبریں
 
 
 
 
 
Facebook Twitter Youtube