Tuesday, November 24, 2020  | 7 Rabiulakhir, 1442
ہوم   > پاکستان

فضل الرحمان کا صبح8سےرات 8بجے تک دھرنےکااعلان

SAMAA | - Posted: Nov 16, 2019 | Last Updated: 1 year ago
SAMAA |
Posted: Nov 16, 2019 | Last Updated: 1 year ago

جمعیت علمائے اسلام ف کے سربراہ مولانا فضل الرحمان نے مختلف شہروں میں دیئے جانے والے دھرنوں کیلئے صبح 8 بجے سے رات 8 بجے کا وقت مقرر کردیا، جب کہ رات 8 بجے کے بعد شاہراہیں ٹریفک کیلئے کھول دی جائیں گی۔

جمعیت علمائے اسلام ف کے ڈپٹی سیکریٹری اطلاعات محمد سمیع سواتی کی جانب سے جاری بیان کے مطابق جے یو آئی ف کے سربراہ مولانا فضل الرحمان نے اعلان کرتے ہوئے کہا ہے کہ میں چاروں صوبوں کے جماعتی ذمہ داران سے رابطے میں ہوں، ہم نے اسلام آباد دھرنے میں اپنی قوت کا بھرپور مظاہرہ کیا ہے۔

فضل الرحمان کا آزادی مارچ ختم کرنے کا اعلان

اس موقع پر فضل الرحمان نے اعلان کرتے ہوئے کہا کہ مسافروں کی تکالیف کو پیش نظر رکھتے ہوئے تمام صوبوں کی مشاورت سے روڈ آزادی مارچ کے دھرنے صبح 8 بجے سے رات 8 بجے تا حکم ثانی جاری رکھے جائیں گے۔

آزادی مارچ کا پلان بی، ملک بھر میں اہم شاہراہیں بند

فضل الرحمان کا مزید کہنا تھا کہ رات 8 بجے روڈ آزادی مارچ ختم کر کے کارکنان شاہراہیں ٹریفک کیلئے کھول دیں گے۔

دریں اثناء جمعیت علماء اسلام سندھ کے سیکریٹری جنرل مولانا راشد محمود سومرو نے مرکزی امیر مولانا فضل الرحمان کے فیصلے کی توثیق کرتے ہوئے سندھ کے 5 پوائنٹس پر جاری روڈ آزادی مارچ دھرنوں کو اٹھانے کی ہدایات مقامی جماعتوں کو جاری کردی ہیں۔

 

واضح رہے کہ 13 نومبر بدھ کی شام مولانا فضل الرحمان نے اس وقت اسلام آباد میں جاری آزادی مارچ ختم کرنے کا اعلان کرتے ہوئے کہا کہ اب پلان بی کے تحت کارکن ملک کے دیگر شہروں میں ہونے والے احتجاج کا حصہ بنیں گے۔ شہر کے اندر احتجاج سے لوگوں کو مشکلات کا سامنا ہوگا، اس لیے ہم شہروں سے باہر نکل کر شاہراہوں پر احتجاج کریں گے۔

آزادی مارچ کےشرکاء اسلام آبادمیں کیاکررہے ہیں؟تصاویر دیکھیں

اعلان کے وقت صوبائی قیادت اور کارکنوں کی بڑی تعداد اسلام آباد میں موجود تھی جس کی وجہ سے پلان بی پر مؤثر عمل درآمد نہیں ہو سکا اور قیادت کو مجبوراً پلان اے کے تحت اسلام آباد میں موجود کارکنوں سے کہنا پڑا کہ وہ اب اپنے اپنے علاقوں میں جا کر احتجاج کریں۔

آزادی مارچ کے مقاصد : ایک رپورٹر کی نظر سے

یہاں یہ بات بھی قابل ذکر ہے کہ مولانا فضل الرحمان کی جانب سے جے یو آئی ف اور حمایتی جماعتوں کا حکومت مخالف آزادی مارچ گزشتہ ماہ 27 اکتوبر کو شروع ہوا۔ مارچ نے فضل الرحمان کی قیادت میں کراچی سے رخت سفر باندھا اور کراچی ہوتا ہوا سندھ میں داخل ہوا، جہاں سے مارچ پنجاب اور پھر اسلام آباد پہنچا۔

جےیو آئی ف کا آزادی مارچ تصاویر کے آئینے میں

فضل الرحمان کا آزادی مارچ 17 روز جاری رہا۔ جس کے بعد انہوں نے پلان بی کا اعلان کرتے ہوئے مختلف شہروں میں دھرنوں کا آغاز کیا۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube