ہوم
>
پاکستان
کراچی، عدالت کا دودھ کی پرانی قیمت برقرار رکھنےکا حکم
SAMAA |
Irfan Ul Haque
Posted: Nov 12, 2019 | Last Updated: 8 months ago
سندھ ہائی کورٹ نے کراچی میں دودھ کی قيمت 94 روپے فی کلو برقرار رکھنے کا حکم دے دیا۔
منگل 12 نومبر کو ہائی کورٹ میں مقرر کردہ قیمت سے مہنگا دودھ فروخت کرنے سے متعلق کيس کی سماعت ہوئی جس میں عدالت نے 5 دسمبر تک دودھ کی قيمت سے متعلق ايکٹ اور قانون سازی کی رپورٹ طلب کرلی۔
مہنگے دودھ کی فروخت پر حکام کےخلاف توہين عدالت کی درخواست پر سماعت کے دوران اسسٹنٹ کمشنر نے کارروائيوں سے متعلق رپورٹ عدالت ميں جمع کروائی۔
رپورٹ کے مطابق 24 اکتوبر سے اب تک 520 سے زائد دودھ فروشوں کےخلاف کارروائی کی، مہنگا دودھ بيچنے پر 33 لاکھ 66 ہزار سے زائد کے جرمانے کیے گئے جب کہ 4 افراد کو جیل بھیج دیا ہے۔
ڈیری فارم ایسوسی ایشن نے موقف اپنایا کہ جس ایکٹ کے تحت دودھ کی قیمت مقرر کی جا رہی ہے وہ ختم ہوچکا ہے۔
درخواست گزار کے مطابق عدالت نے 94 روپے لیٹر دودھ فروخت کرنے کا پابند کیا تھا لیکن اس کے باوجود شہر کے بیشتر علاقوں میں اب بھی 110 روپے فی لیٹر روپے فروخت ہو رہا ہے۔
عدالت آل کراچی ملک ریٹلرز ایسوسی ایشن کے خلاف توہین عدالت کی کارروائی کرے۔
متعلقہ خبریں
